استانا قالاسى ءماسليحاتىنىڭ دەپۋتاتتارى «ارەكەت ەتۋ ۋاقىتى» ءوزىن-وزى باسقارۋ كوشباسشىلارىنىڭ رەسپۋبليكالىق قۇرىلتايىنا قاتىسۋشىلارمەن كەزدەسىپ، الەۋمەتتىك باستامالاردى تالقىلادى، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.
ءىس-شاراعا قازاقستاننىڭ وڭىرلەرىنەن مەكتەپ پارلامەنتتەرىنىڭ 20-عا جۋىق پرەزيدەنتى مەن ەلوردالىق ءماسليحات دەپۋتاتتارى قاتىستى. اشىلۋ سالتاناتىندا استانا قالاسى ءماسليحاتى ءتوراعاسىنىڭ مىندەتىن اتقارۋشى اسقار سماعۇلوۆ قۇتتىقتاۋ ءسوز سويلەدى.
– بۇگىن ءبىز جاستاردى، مەكتەپ قاۋىمىن تولعاندىراتىن ماسەلەلەردى تالقىلاۋ ءۇشىن جينالدىق. ارىپتەستەرىم ءماسليحاتتىڭ قىزمەتى تۋرالى ايتىپ، ءوز تاجىريبەلەرىمەن بولىسەدى. سىزدەردىڭ ءارقايسىڭىز ءوز مەكتەبىڭىزدە ءتۇرلى ماسەلەلەر مەن قيىندىقتارعا كەزىگىپ، ولاردى شەشۋدىڭ بىرەگەي جولدارىن تاۋىپ، جاڭا يدەيالار ەنگىزىپ، مەكتەپ ءومىرىن قىزىقتى ءارى مازمۇندى ەتۋگە كومەكتەسەتىن ءىس-شارالار مەن جوبالاردى ۇيىمداستىرىپ جاتقاندارىڭىزعا سەنىمدىمىن.
سىزدەردىڭ كۇش-جىگەرلەرىڭىز ءقازىردىڭ وزىندە جەمىسىن بەرىپ جاتىر، ءبىراق بۇل ساپاردىڭ باسى عانا ەكەنىن ءتۇسىنۋ ماڭىزدى، – دەدى ول.
اسقار سماعۇلوۆ شارا بارىسىندا مۇنداي كەزدەسۋلەر جاستار ءۇشىن وزەكتى ماسەلەلەردى جاقسى تۇسىنۋگە ىقپال ەتەتىنىن جانە قالالىق دەڭگەيدە شەشىم قابىلداۋ جۇيەسى تۋرالى بىلۋگە كومەكتەسەتىنىن اتاپ ءوتتى.
– قۇرمەتتى قاتىسۋشىلار، وسى ۋاقىتتى بەلسەندى پايدالانۋعا شاقىرامىن. جوبالارىڭىزبەن، تاجىريبەلەرىڭىزبەن بولىسىڭىزدەر، كوكەيگە تۇنىپ قالعان سۇراقتارىڭىزدى قويۋدان تارتىنباڭىزدار، تولعاندىراتىن تاقىرىپتاردى تالقىلاڭىز. بۇل كەزدەسۋ سىزگە جاڭا دوستار مەن پىكىرلەستەردى تابۋعا، ءسىزدىڭ ۇمتىلىستارىڭىزدا جالعىز ەمەس ەكەنىڭىزدى، الەمدى جاقسىراق ەتۋدى قالايتىن جانە باسقا جىگىتتەردىڭ بار ەكەنىن كورۋگە مۇمكىندىك بولسىن. ال ءبىز ءوز كەزەگىمىزدە سىزدەردىڭ يدەيالارىڭىزدىڭ جۇزەگە اسۋىن جەڭىلدەتىپ، ىستەرىڭىزدە تابىسقا جەتۋگە بارىنشا كۇش سالامىز، – دەپ تۇيىندەدى ءسوزىن اسقار سماعۇلوۆ.
ءىس-شارانى ۇيىمداستىرۋشىلار اتاپ وتكەندەي، كەزدەسۋدىڭ نەگىزگى ماقساتى – جاستار مەن ءماسليحات وكىلدەرى اراسىنداعى بايلانىستى نىعايتۋ، سونداي-اق بالالار مەن جاسوسپىرىمدەردىڭ الەۋمەتتىك باستامالارعا بەلسەندى قاتىسۋى ءۇشىن جاعداي جاساۋ.
بۇگىنە استانا قالاسىنىڭ ءماسليحاتى تۇرعىنداردىڭ ءال-اۋقاتىن ارتتىرۋعا باعىتتالعان الەۋمەتتىك باستامالاردى بەلسەندى تۇردە قولداپ كەلەدى. ءماسليحات دەپۋتاتتارى قالانىڭ دامۋ جوسپارلارىن، ەكونوميكالىق جانە الەۋمەتتىك باعدارلامالارىن بەكىتىپ، ولاردىڭ ورىندالۋىن قاداعالاۋدا ماڭىزدى رول اتاقارادى.
ءماسليحات دەپۋتاتتارى قالانىڭ الەۋمەتتىك نىساندارىنىڭ (مەكتەپتەر، دەنساۋلىق ساقتاۋ ۇيىمدارى، مەملەكەتتىك باعدارلاما بويىنشا سالىنعان تۇرعىن ۇيلەر) ماسەلەلەرىن تالقىلاپ، ولاردىڭ شەشىمىن تابۋعا اتسالىسادى. ايتالىق، ءماسليحاتتا ەلوردانىڭ الەۋمەتتىك نىساندارىنىڭ پروبلەمالىق ماسەلەلەرى بويىنشا ەسەپ تىڭدالىپ، ءتيىستى شارالار قابىلداندى.
وسىلايشا، استانا قالاسىنىڭ ءماسليحاتى الەۋمەتتىك باستامالاردى قولداۋ ارقىلى قالا تۇرعىندارىنىڭ ءومىر ءسۇرۋ ساپاسىن جاقسارتۋعا جانە الەۋمەتتىك ماسەلەلەردى شەشۋگە ەلەۋلى ۇلەس قوسۋدا.
