Shyǵys Qazaqstan oblysynda memlekettik jastar saiasatynyń júzege asyrylýy men «Jastar jylyna» arnalǵan is-sharalardyń ótý barysy jaiynda Shyǵys Qazaqstan oblysy Ishki saiasat basqarmasynyń Jastar resýrstyq ortalyǵynyń direktory Arailym Esimbekova baiandap berdi.
Qazirgi tańda oblys boiynsha 14 pen 29 jas aralyǵyndaǵy jastardyń sany 260 myń, olarmen 20 jastar resýrstyq ortalyǵy jumys jasaidy (1 oblystyq jáne 19 qalalyq/aýdandyq).
9 aidyń qorytyndysy boiynsha oblys boiynsha jumyssyz jastar sany 3,5% quraidy, respýblika boiynsha ortasha kórsetkish - 3,7%.
Jastar arasynda jumyssyzdyqty azaitýdyń birden bir joly - jastar kásipkerligin damytý. «Zhas Project», «Jas kásipker», «JasA» jobalarynyń aiasynda jastar óz kásipterin bastap, ózderi qatarlas jastardy jumys oryndarymen qamtamasyz etýge múmkindik aldy.
2018 jyldan bastap «Zhas Project» jobasyn iske asyrý aiasynda Halyqaralyq qaita qurý jáne damý banki men QR Bilim jáne ǵylym ministrligi 491 adamdy qamtyǵan 265 mln.teńgege 149 áleýmettik jobany qoldady.
Búgingi tańda atalǵan jobalardyń 80% jeke kásipterin damytyp, jumystaryn jalǵastyrýda.
Biylǵy jyly «Atameken» kásipkerler palatasynyń «Jas kásipker» pilottyq bilim berý jobasynyń arqasynda 1074 adam kásipkerlik negizderi boiynsha bilim alyp, olardyń 824-i biznes-josparlaryn qorǵap, al 330-y 505 myń tenge kólemindegi grant iegerleri atandy. Jyl aiaǵyna deiin 1300 grant bólý josparlanýda.
Jastar qyzmetkerleri qaýymdastyǵy iske asyryp otyrǵan JasA jobasynyń arqasynda oblysta 57 jas kásipkerge árqaisysy 610 myń teńgeden qarjylai grant berý maquldanǵan. Bul elimizdegi úzdik kórsetkish.
Búgingi tańda grant iegerleri qarjylandyrýdy kútýde.
2019 jyldyń 9 aiynyń qorytyndysy boiynsha, ótken jyldyń sáikes kezeńimen salystyrǵanda, 14 pen 29 jas aralyǵyndaǵy jastar arasynda quqyqbuzýshylyq kórsetkishi 38,6% tómendegen (4337-den 2661-ge).
Otyrys sońynda Semei qalasynyń bilim bóliminiń basshysy N. A. Fesenko Semei qalasynyń mektepke barmaityn eki oqýshymen júrgiziletin jumystar jáne ata-analarǵa qatysty qabyldanǵan sharalar týraly aitty. Ata-analardyń konstitýtsiialyq mindeti bar, olardyń boryshy-balanyń mindetti orta bilim alýyn qamtamasyz etý.
Osy mindetterdi buzǵan jaǵdaida, ata-analar ákimshilik jaýapkershilikke tartylady, tipti ata-analar quqyǵynan aiyrylýy múmkin. Bizdiń jaǵdaida, ákimshilik kodeksiniń 127 baby boiynsha jaýapkershilikke tartý úshin materialdar sotqa jiberildi.
