شىعىس قازاقستان وبلىسىندا مەملەكەتتىك جاستار ساياساتىنىڭ جۇزەگە اسىرىلۋى مەن «جاستار جىلىنا» ارنالعان ءىس-شارالاردىڭ ءوتۋ بارىسى جايىندا شىعىس قازاقستان وبلىسى ىشكى ساياسات باسقارماسىنىڭ جاستار رەسۋرستىق ورتالىعىنىڭ ديرەكتورى ارايلىم ەسىمبەكوۆا بايانداپ بەردى.
قازىرگى تاڭدا وبلىس بويىنشا 14 پەن 29 جاس ارالىعىنداعى جاستاردىڭ سانى 260 مىڭ، ولارمەن 20 جاستار رەسۋرستىق ورتالىعى جۇمىس جاسايدى (1 وبلىستىق جانە 19 قالالىق/اۋداندىق).
9 ايدىڭ قورىتىندىسى بويىنشا وبلىس بويىنشا جۇمىسسىز جاستار سانى 3،5% قۇرايدى، رەسپۋبليكا بويىنشا ورتاشا كورسەتكىش - 3،7%.
جاستار اراسىندا جۇمىسسىزدىقتى ازايتۋدىڭ بىردەن ءبىر جولى - جاستار كاسىپكەرلىگىن دامىتۋ. «Zhas Project»، «جاس كاسىپكەر»، «JasA» جوبالارىنىڭ اياسىندا جاستار ءوز كاسىپتەرىن باستاپ، وزدەرى قاتارلاس جاستاردى جۇمىس ورىندارىمەن قامتاماسىز ەتۋگە مۇمكىندىك الدى.
2018 جىلدان باستاپ «Zhas Project» جوباسىن ىسكە اسىرۋ اياسىندا حالىقارالىق قايتا قۇرۋ جانە دامۋ بانكى مەن ق ر ءبىلىم جانە عىلىم مينيسترلىگى 491 ادامدى قامتىعان 265 ملن.تەڭگەگە 149 الەۋمەتتىك جوبانى قولدادى.
بۇگىنگى تاڭدا اتالعان جوبالاردىڭ 80% جەكە كاسىپتەرىن دامىتىپ، جۇمىستارىن جالعاستىرۋدا.
بيىلعى جىلى «اتامەكەن» كاسىپكەرلەر پالاتاسىنىڭ «جاس كاسىپكەر» پيلوتتىق ءبىلىم بەرۋ جوباسىنىڭ ارقاسىندا 1074 ادام كاسىپكەرلىك نەگىزدەرى بويىنشا ءبىلىم الىپ، ولاردىڭ 824ء-ى بيزنەس-جوسپارلارىن قورعاپ، ال 330-ى 505 مىڭ تەنگە كولەمىندەگى گرانت يەگەرلەرى اتاندى. جىل اياعىنا دەيىن 1300 گرانت ءبولۋ جوسپارلانۋدا.
جاستار قىزمەتكەرلەرى قاۋىمداستىعى ىسكە اسىرىپ وتىرعان JasA جوباسىنىڭ ارقاسىندا وبلىستا 57 جاس كاسىپكەرگە ءارقايسىسى 610 مىڭ تەڭگەدەن قارجىلاي گرانت بەرۋ ماقۇلدانعان. بۇل ەلىمىزدەگى ۇزدىك كورسەتكىش.
بۇگىنگى تاڭدا گرانت يەگەرلەرى قارجىلاندىرۋدى كۇتۋدە.
2019 جىلدىڭ 9 ايىنىڭ قورىتىندىسى بويىنشا، وتكەن جىلدىڭ سايكەس كەزەڭىمەن سالىستىرعاندا، 14 پەن 29 جاس ارالىعىنداعى جاستار اراسىندا قۇقىقبۇزۋشىلىق كورسەتكىشى 38،6% تومەندەگەن (4337-دەن 2661-گە).
وتىرىس سوڭىندا سەمەي قالاسىنىڭ ءبىلىم ءبولىمىنىڭ باسشىسى ن. ا. فەسەنكو سەمەي قالاسىنىڭ مەكتەپكە بارمايتىن ەكى وقۋشىمەن جۇرگىزىلەتىن جۇمىستار جانە اتا-انالارعا قاتىستى قابىلدانعان شارالار تۋرالى ايتتى. اتا-انالاردىڭ كونستيتۋسيالىق مىندەتى بار، ولاردىڭ بورىشى-بالانىڭ مىندەتتى ورتا ءبىلىم الۋىن قامتاماسىز ەتۋ.
وسى مىندەتتەردى بۇزعان جاعدايدا، اتا-انالار اكىمشىلىك جاۋاپكەرشىلىككە تارتىلادى، ءتىپتى اتا-انالار قۇقىعىنان ايىرىلۋى مۇمكىن. ءبىزدىڭ جاعدايدا، اكىمشىلىك كودەكسىنىڭ 127 بابى بويىنشا جاۋاپكەرشىلىككە تارتۋ ءۇشىن ماتەريالدار سوتقا جىبەرىلدى.
