Prezıdenttiń atyna maqtaý men madaqtaýlar jaýdyrǵan B.Nurǵalıev «Nursultan» sóziniń qasıetti Qurannan alynǵanyn, Allanyń eki esiminen biriktirip qoıǵan nyspy ekenin jazypty.
Ádilet aq jolyndaı adal iz bar,
Árdaıym adal izden alamyz nár.
Biz degen – shyn baqytty Máńgilik El,
Danyshpan Elbasymyz – Danamyz bar!
Nursultan Ulanyna yrza dala,
Elmenen tústi birge kún jańara.
Ájesi Er esimin qoıǵan eken –
Áldıin áýeletken Myrzabala.
Ájesi qoıǵan syryn bilip turyp,
Kıeli Er esimin úmit qylyp,
Qurannan «NURSULTAN» dep atyn bergen,
Qudaıdyń qos esimin biriktirip!
NurSultan – erek esim, eren esim,
Keńeıtken Qazaǵynyń keregesin.
Tanytyp taǵylymdy tektiligin,
Eline úlgi qylǵan ónegesin!
Sińirip salaýatty dáris dara,
Balasyn baptap qosqan jarysqa da.
Bas ıdim Árýaǵyńa, Áljan Áje,
Bas ıdim Árýaǵyńa, Ábish Baba!!!
Juldyz bop ÁLEM ÚSHİN taǵdyr janǵan,
Aınaldym, AQ PATSHAMNAN alǵyr jannan.
ASYLY ADAMZATTYŃ NUR-ATAMYZ,
Mekkege barǵanynda jańbyr jaýǵan.
Aryltqan janardan jas, qabaqtan muń,
Nyǵmetin, shapaǵatyn taratqan myń.
NURSULTAN degen esim BİZDER ÚSHİN,
JÚZİNSHİ ESİMİNDEI JARATQANNYŃ!!!
Buǵan deıin ol Nazarbaevty qudaıǵa teńep, taǵy bir óleń jazǵan edi.
Raıymbekteı raqymdy bola bilgen ylaıym,
Nur-Atamdy men ǵajap Áýlıe dep uǵaıyn.
Qabyl alǵan halqynyń armandaryn, muratyn,
Eren tulǵa Elbasy – QAZAQSTANDYQ QUDAIYM! — dep jazdy jas aqyn óz odasynda.
Aıta keteıik, osyǵan deıin Baltabek aqyn Qazaqstandy tek Nazarbaevtar áýleti bıleýi kerek, Nursultan Ábishulynan keıin "taqqa" onyń qyzy Darıǵa Nazarbaeva otyrýy tıis dep te óleń jazǵan edi. Budan syrty, onyń shyǵarmalar jınaǵynda Prezıdenttiń anasyna, ákesine, jary Sara Nazarbaevaǵa jáne qyzdaryna arnaǵan jeke-jeke óleńderi bar.
