پرەزيدەنتتىڭ اتىنا ماقتاۋ مەن ماداقتاۋلار جاۋدىرعان ب.نۇرعالييەۆ «نۇرسۇلتان» ءسوزىنىڭ قاسيەتتى قۇراننان الىنعانىن، اللانىڭ ەكى ەسىمىنەن بىرىكتىرىپ قويعان نىسپى ەكەنىن جازىپتى.
ادىلەت اق جولىنداي ادال ءىز بار،
ءاردايىم ادال ىزدەن الامىز ءنار.
ءبىز دەگەن – شىن باقىتتى ماڭگىلىك ەل،
دانىشپان ەلباسىمىز – دانامىز بار!
نۇرسۇلتان ۇلانىنا ىرزا دالا،
ەلمەنەن ءتۇستى بىرگە كۇن جاڭارا.
اجەسى ەر ەسىمىن قويعان ەكەن –
ءالديىن اۋەلەتكەن مىرزابالا.
اجەسى قويعان سىرىن ءبىلىپ تۇرىپ،
كيەلى ەر ەسىمىن ءۇمىت قىلىپ،
قۇراننان «نۇرسۇلتان» دەپ اتىن بەرگەن،
قۇدايدىڭ قوس ەسىمىن بىرىكتىرىپ!
نۇرسۇلتان – ەرەك ەسىم، ەرەن ەسىم،
كەڭەيتكەن قازاعىنىڭ كەرەگەسىن.
تانىتىپ تاعىلىمدى تەكتىلىگىن،
ەلىنە ۇلگى قىلعان ونەگەسىن!
ءسىڭىرىپ سالاۋاتتى ءدارىس دارا،
بالاسىن باپتاپ قوسقان جارىسقا دا.
باس ءيدىم ءارۋاعىڭا، ءالجان اجە،
باس ءيدىم ءارۋاعىڭا، ءابىش بابا!!!
جۇلدىز بوپ الەم ءۇشىن تاعدىر جانعان،
اينالدىم، اق پاتشامنان العىر جاننان.
اسىلى ادامزاتتىڭ نۇر-اتامىز،
مەككەگە بارعانىندا جاڭبىر جاۋعان.
ارىلتقان جاناردان جاس، قاباقتان مۇڭ،
نىعمەتىن، شاپاعاتىن تاراتقان مىڭ.
نۇرسۇلتان دەگەن ەسىم بىزدەر ءۇشىن،
ءجۇزىنشى ەسىمىندەي جاراتقاننىڭ!!!
بۇعان دەيىن ول نازاربايەۆتى قۇدايعا تەڭەپ، تاعى ءبىر ولەڭ جازعان ەدى.
رايىمبەكتەي راقىمدى بولا بىلگەن ىلايىم،
نۇر-اتامدى مەن عاجاپ اۋليە دەپ ۇعايىن.
قابىل العان حالقىنىڭ ارماندارىن، مۇراتىن،
ەرەن تۇلعا ەلباسى – قازاقستاندىق قۇدايىم! — دەپ جازدى جاس اقىن ءوز وداسىندا.
ايتا كەتەيىك، وسىعان دەيىن بالتابەك اقىن قازاقستاندى تەك نازاربايەۆتار اۋلەتى بيلەۋى كەرەك، نۇرسۇلتان ءابىشۇلىنان كەيىن "تاققا" ونىڭ قىزى داريعا نازاربايەۆا وتىرۋى ءتيىس دەپ تە ولەڭ جازعان ەدى. بۇدان سىرتى، ونىڭ شىعارمالار جيناعىندا پرەزيدەنتتىڭ اناسىنا، اكەسىنە، جارى سارا نازاربايەۆاعا جانە قىزدارىنا ارناعان جەكە-جەكە ولەڭدەرى بار.
