Ázimhan Isabek 1996 jyly shym shaharda dúniege kelgen. Jas ǵalym, ári zertteýshi. Abaitanýshy, ǵalym Mekemtas Myrzahmetuly jáne Aqjol Qalshabek sekildi professorlardyń shákirti. Búginde ol M.Áýezov atyndaǵy OQMÝ-da ashylǵan «Muhtartaný» ǵylymi ortalyǵynda ǵylymi maman bolyp jumys jasaidy.
Sonymen qatar, Ázimhan jaqynda ótken «Áýezov oqýlary – 17: álemdik keńistiktegi ǵylym men rýhaniiattyń jańa serpilisteri» atty Halyqaralyq konferentsiiasynda «Mekemtas Myrzahmetuly jáne Muhtartaný máseleleri» taqyryptarynda baiandama jasady. «Jańa jahandyq ahýalda Qazaqstannyń damýyndaǵy jastardyń úlesi» atty respýblikalyq ǵylymi konferentsiiasynda 1-orynmen jáne 2017 jyly «Alash» qozǵalysynyń qurylǵanyna 100 jyl tolýyna orai ótkizilgen «Azattyqty ańsaǵan – arystarym ardaqty!» atty shyǵarmashylyq baiqaýynda 1-oryndy ielengen.
Odan ózge óz zertteýlerin «Maǵjannyń bir kem dúniesi», «Baýyrjannyń batasy», «Túngi ǵibadat», «Ómirdiń ózinen órilgen jyr», «Oily adamǵa qyzyq joq bul jalǵanda», «Abai nege uly?» syndy maqalalarynda usynyp júr.
