Jambyl oblysynyń Qordai aýylynda politsiia qyzmetkerleri men salyq organdarynyń mamandary qosymsha janarmai baktaryn ornatýmen ainalysatyn 16 tehnikalyq qyzmet kórsetý ortalyǵyn tekserdi, dep habarlaidy dalanews.kz.
Tekserý nátijesinde alty nysan iesine qatysty ákimshilik materialdar rásimdeldi.
Ishki ister ministrliginiń málimetinshe, keiingi bir aidyń ishinde shekara arqyly zańsyz shyǵarylmaq bolǵan shamamen 12 tonna janar-jaǵarmai materialynyń joly kesilgen.
Sonymen qatar qosymsha janarmai baktarymen qaita jabdyqtalǵan 54 avtokólik anyqtaldy. Olardyń ieleri ákimshilik jaýapkershilikke tartyldy.
Qazirgi tańda memlekettik shekaradaǵy 48 avtomobil ótkizý beketinde patrýldik politsiianyń 59 baqylaý beketi jumys istep tur.
Quqyq qorǵaý organdary shekara mańyndaǵy Jambyl, Túrkistan jáne Mańǵystaý oblystaryna erekshe nazar aýdaryp otyr.
