Almaty oblysy, Panfılov aýdanynda ushaq apatqa ushyrap, eki adam qaza tapty. Júgeri alqabyna dári seýip júrgen IaK-12 ushaǵynyń ishinde ushqyshtan bólek, tapsyrys berýshi jaqtyń ókili bolǵan.

Apatqa ushyraǵan IaK-12 ushaǵynyń tehnıkalyq aqaýy bolmaǵan. Oqys oqıǵa Jarkent qalasynan 7 shaqyrym jerdegi Sholaqaı aýylynda bolǵan.

Qaıǵyly jaǵdaıdy jergilikti turǵyndar uıaly telefonyna túsirip alypty. Beınejazbada sharýashylyqqa arnalǵan shaǵyn ushaqtyń qanattary qırap, aldyńǵy bóligi otqa oranǵany kórinedi. Oqıǵa ornyna órt sóndirýshiler kelgenimen ushaqty qyzyl jalynnan arashalap alyp qala almady. Qazir osy jaıtqa baılanysty, Azamattyq avıasıa komıteti tergeý sharalary aıaqtalǵanǵa deıin el aýmaǵynda IaK-12 ushaqtaryn qoldanýǵa tyıym salyp otyr.

Avtor: Erbol Turymbet

KTK arnasy