Jarkentte bes ulttyń balasyn baýyryna basqan otbasy turady: 1 mamyr 2021

Almaty oblysy Panfilov aýdanyna qarasty Áýlieaǵash aýylynda turatyn Qoibaǵarovtar – 14 bala ósirip jetkizgen otbasy. Óziniń 7 balasymen birge qazaq, uiǵyr, nemis, káris, orys ulty ókilderiniń balalaryn baýyryna basqan Sábit Qoibaǵarovty óńirde erekshe qurmetteidi, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.

Panfilov aýdandyq ákimdiginiń bergen málimeti boiynsha, Sábit Qoibaǵarovtyń ózi de kóp balaly otbasynda ósken. Búginde jubaiy Amanhan Baibýraeva ekeýi 14 balany er jetkizip, nemere súiip otyr. Qazir úlken balalary meditsina salasynda, mal sharýashylynda eńbek etýde. Ákeleriniń isin jalǵastyryp, mal ósirip, qymyz, et satýmen ainalysady. Osy shańyraqtan meiirim tapqan balalardyń aldy qazir 27-ge tolsa, arty 21 jasta.

Júregi keń azamat balalardy alalamai, barlyǵyna birdei qaraýdy jáne aqylmen tárbieleý qasietin óz ákesinen sińirgenin aitady. «Bala kúnimde ákemmen egistik basynda júrgende balalar úiiniń balalaryn kórdim. Sonda ákem árdaiym múndai balalarǵa qamqor bolý kerektigin aitatyn. Sol aqyly kúni búginge deiin jadymda. Eń alǵash 2009-shy jyly káris ultynyń balasyn asyrap aldym. Óz balamdai kórip, tárbielep, barlyǵyn úirettim. Qazir Almatyda eńbekke aralasty. Negizinen jumystyń qyr-syryn úiretip, jaqsy tárbieleseń ózderi ómir súrip ketedi. Keiin, nemis, uiǵyr, orys, qazaq balalaryn baýyryma bastym. Óz balalarymmen birge turyp, birge eńbek etýde. Úl-uyzdarymdy qazaqy dástúrge sai tárbieledim. Eń birinshi osy balalarǵa qarap ózińdi tárbieleidi ekensiń. Sodan keiin balalardy tárbieleisiń"- deidi qaiyrymdy azamat S.Qoibaǵarov.

Bul otbasynyń kórshileri peiili darhan otbasy ómirdiń qiyn jaǵdaiynda qalǵan azamattarǵa qol ushyn sozyp, úilerine panalatyp, jaǵdaiyn túzeýge qoldan kelgen kómegin berip, qatarǵa qosyp jibergen sátterdiń kóp bolǵanyn aitady.

Sábit Qoibaǵarov temirden túiin túietin ustalyqqa da úiir. Aýlasyna temirden túrli buiym, músinder, turmysqa qajetti dúnieler jasap qoiǵan. Tipti otbasylyq shaǵyn murajailary da bar.

– Iá, biz ártúrlimiz, ár ulttyń óz ereksheligi bar, biraq biz bir shańyraq astynda ortaq Otanymyz – táýelsiz Qazaqstanda ómir súrip kelemiz. Sondyqtan bizdiń tilek-maqsatymyz bir dep bilemin. Barsha halyqty birlik merekesimen quttyqtaimyn. Ár shańyraqta shattyq, molshylyq, bereke bolsyn, – dedi S.Qoibaǵarov óziniń izgi tilegin jetkizip.

Panfilov aýdandyq ákimdiginiń habarlaýynsha, Qoibaǵarovtar otbasy – óńirdegi úlgili shańyraq. Mal sharýashylyǵynyń damýyna atsalysyp, qaiyrymdylyq sharalarymen de belsendi ainalysady. Indet órshigen shaqta beijai qalmai, jerlesteriniń densaýlyǵyn nyǵaitýǵa yqpal etý maqsatynda qymyzdy tegin taratypty.

Jarkentte bes ulttyń balasyn baýyryna basqan otbasy turady

Oqi otyryńyz

Balqashta týrizmdi damytý: Lepsi aýylynda jańa temir jol vokzaly salynýda, politsiia pýnkti jańǵyrlytyp, aýrýhana jóndelýde

«Tárbie basy – áke qolynda»: Almatyda otbasy qundylyqtaryna arnalǵan forým ótti

«Taza Qala – Taza bolashaq»: Óskemen jastary senbilikke shyqty