جاركەنتتە بەس ۇلتتىڭ بالاسىن باۋىرىنا باسقان وتباسى تۇرادى
الماتى وبلىسى پانفيلوۆ اۋدانىنا قاراستى ەۋليەاعاش اۋىلىندا تۇراتىن قويباعاروۆتار – 14 بالا ٶسٸرٸپ جەتكٸزگەن وتباسى. ٶزٸنٸڭ 7 بالاسىمەن بٸرگە قازاق, ۇيعىر, نەمٸس, كەرٸس, ورىس ۇلتى ٶكٸلدەرٸنٸڭ بالالارىن باۋىرىنا باسقان سەبيت قويباعاروۆتى ٶڭٸردە ەرەكشە قۇرمەتتەيدٸ, – دەپ حابارلايدى Dalanews.kz الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
پانفيلوۆ اۋداندىق ەكٸمدٸگٸنٸڭ بەرگەن مەلٸمەتٸ بويىنشا, سەبيت قويباعاروۆتىڭ ٶزٸ دە كٶپ بالالى وتباسىندا ٶسكەن. بٷگٸندە جۇبايى امانحان بايبۋراەۆا ەكەۋٸ 14 بالانى ەر جەتكٸزٸپ, نەمەرە سٷيٸپ وتىر. قازٸر ٷلكەن بالالارى مەديتسينا سالاسىندا, مال شارۋاشىلىندا ەڭبەك ەتۋدە. ەكەلەرٸنٸڭ ٸسٸن جالعاستىرىپ, مال ٶسٸرٸپ, قىمىز, ەت ساتۋمەن اينالىسادى. وسى شاڭىراقتان مەيٸرٸم تاپقان بالالاردىڭ الدى قازٸر 27-گە تولسا, ارتى 21 جاستا.
جٷرەگٸ كەڭ ازامات بالالاردى الالاماي, بارلىعىنا بٸردەي قاراۋدى جەنە اقىلمەن تەربيەلەۋ قاسيەتٸن ٶز ەكەسٸنەن سٸڭٸرگەنٸن ايتادى. «بالا كٷنٸمدە ەكەممەن ەگٸستٸك باسىندا جٷرگەندە بالالار ٷيٸنٸڭ بالالارىن كٶردٸم. سوندا ەكەم ەردايىم مٷنداي بالالارعا قامقور بولۋ كەرەكتٸگٸن ايتاتىن. سول اقىلى كٷنٸ بٷگٸنگە دەيٸن جادىمدا. ەڭ العاش 2009-شى جىلى كەرٸس ۇلتىنىڭ بالاسىن اسىراپ الدىم. ٶز بالامداي كٶرٸپ, تەربيەلەپ, بارلىعىن ٷيرەتتٸم. قازٸر الماتىدا ەڭبەككە ارالاستى. نەگٸزٸنەن جۇمىستىڭ قىر-سىرىن ٷيرەتٸپ, جاقسى تەربيەلەسەڭ ٶزدەرٸ ٶمٸر سٷرٸپ كەتەدٸ. كەيٸن, نەمٸس, ۇيعىر, ورىس, قازاق بالالارىن باۋىرىما باستىم. ٶز بالالارىممەن بٸرگە تۇرىپ, بٸرگە ەڭبەك ەتۋدە. ٷل-ۇىزدارىمدى قازاقى دەستٷرگە ساي تەربيەلەدٸم. ەڭ بٸرٸنشٸ وسى بالالارعا قاراپ ٶزٸڭدٸ تەربيەلەيدٸ ەكەنسٸڭ. سودان كەيٸن بالالاردى تەربيەلەيسٸڭ"- دەيدٸ قايىرىمدى ازامات س.قويباعاروۆ.
بۇل وتباسىنىڭ كٶرشٸلەرٸ پەيٸلٸ دارحان وتباسى ٶمٸردٸڭ قيىن جاعدايىندا قالعان ازاماتتارعا قول ۇشىن سوزىپ, ٷيلەرٸنە پانالاتىپ, جاعدايىن تٷزەۋگە قولدان كەلگەن كٶمەگٸن بەرٸپ, قاتارعا قوسىپ جٸبەرگەن سەتتەردٸڭ كٶپ بولعانىن ايتادى.
سەبيت قويباعاروۆ تەمٸردەن تٷيٸن تٷيەتٸن ۇستالىققا دا ٷيٸر. اۋلاسىنا تەمٸردەن تٷرلٸ بۇيىم, مٷسٸندەر, تۇرمىسقا قاجەتتٸ دٷنيەلەر جاساپ قويعان. تٸپتٸ وتباسىلىق شاعىن مۇراجايلارى دا بار.
– يە, بٸز ەرتٷرلٸمٸز, ەر ۇلتتىڭ ٶز ەرەكشەلٸگٸ بار, بٸراق بٸز بٸر شاڭىراق استىندا ورتاق وتانىمىز – تەۋەلسٸز قازاقستاندا ٶمٸر سٷرٸپ كەلەمٸز. سوندىقتان بٸزدٸڭ تٸلەك-ماقساتىمىز بٸر دەپ بٸلەمٸن. بارشا حالىقتى بٸرلٸك مەرەكەسٸمەن قۇتتىقتايمىن. ەر شاڭىراقتا شاتتىق, مولشىلىق, بەرەكە بولسىن, – دەدٸ س.قويباعاروۆ ٶزٸنٸڭ ٸزگٸ تٸلەگٸن جەتكٸزٸپ.
پانفيلوۆ اۋداندىق ەكٸمدٸگٸنٸڭ حابارلاۋىنشا, قويباعاروۆتار وتباسى – ٶڭٸردەگٸ ٷلگٸلٸ شاڭىراق. مال شارۋاشىلىعىنىڭ دامۋىنا اتسالىسىپ, قايىرىمدىلىق شارالارىمەن دە بەلسەندٸ اينالىسادى. ٸندەت ٶرشٸگەن شاقتا بەيجاي قالماي, جەرلەستەرٸنٸڭ دەنساۋلىعىن نىعايتۋعا ىقپال ەتۋ ماقساتىندا قىمىزدى تەگٸن تاراتىپتى.
