Osy ýaqyt aralyǵynda komısıa ortaq sheshimge kelip, qujatty daıyndap, Aqordaǵa tapsyrýy qajet. Alǵashqy basqosý ádemi ótti. Kópten beri Qazaq eli azamattarynyń basy qosylǵan jıyn shyǵar. Myna jaqqa qarasam Baqytjan Saǵyntaev pen Muhtar Qul-Muhammed kele jatyr. Myna jaqqa qarasam Muhtar Taıjan men Bekbolat Tileýhan keledi. Onyń ar jaǵynda Aıdos Sarym men Erlan Qarın. Myrzataı Joldasbekov, Muhtar Shahanov, Júrsin Erman, Jaqsylyq Úshkempirov aǵalarymyzǵa deıin ornynan qozǵalmaı árbir komısıa múshesiniń pikirin tyńdady. Túski asqa eshkim eshqaıda ketken joq.
Jýrnalıserge qandaı da bir qysym bolǵan joq. Bári ashyq, erkin. Sondyqtan da «áı, bul jıynnan nátıje kórip otyrǵan joqpyn», «báribir eshteńe shyqpaıdy» dep monıtordyń ar jaǵynda baıbalam salyp otyrǵan qyńyr-qyrsyqtardyń urandaryn ózderine qaldyryńyzdar. Qaıta jaqsy tilekte bolaıyq. El bolamyz desek, jerimizdi bótenge bermeımiz desek, birlik, qurmet eń birinshi orynda turýy tıis. Ár azamat ár jaqqa qarap ysqyrsa, bir-birin tyńdamasa, berekemizdiń qashqany sonda bolar.
Taǵy da aıtamyn, jumys endi bastaldy. Áldekimderdi jerge qatysty jazbalarymmen mazalap qoısam, keshirim suraımyn.
Azamat Bıtannyń FB jazbasy
