Biylǵy naýryz aiynda ótken respýblikalyq referendýmda qabyldanǵan jańa Konstitýtsiianyń negizgi qaǵidalary men normalaryn iske asyrý jumystary kezeń-kezeńimen jalǵasyp jatyr, dep habarlaidy dalanews.kz.
Búgin Parlament palatalarynyń birlesken otyrysynda depýtattar birinshi oqylymda úsh mańyzdy zań jobasyn qarady. Atap aitqanda, «Qazaqstan Respýblikasynyń Prezidenti týraly» Konstitýtsiialyq zańnyń jańa redaktsiiasy, «Qazaqstan Respýblikasynyń Quryltaiy jáne onyń depýtattarynyń mártebesi týraly» Konstitýtsiialyq zańnyń jańa redaktsiiasy, sondai-aq «Qazaqstan Respýblikasyndaǵy sailaý týraly» Konstitýtsiialyq zańǵa ózgerister men tolyqtyrýlar engizý týraly zań jobasy talqylandy.
Jańa redaktsiiadaǵy «Prezident týraly» Konstitýtsiialyq zań 8 bólim men 43 baptan tursa, «Quryltai jáne onyń depýtattarynyń mártebesi týraly» zań 12 bólim men 60 bapty qamtidy.
Usynylyp otyrǵan ózgerister qoldanystaǵy zańnamany jańa Konstitýtsiia talaptaryna beiimdeýge, memlekettik-saiasi modeldi institýtsionaldyq turǵydan jańartýǵa jáne eldegi saiasi jańǵyrýdyń quqyqtyq negizin júieli túrde qalyptastyrýǵa baǵyttalǵan.
Memlekettik keńesshi Erlan Qarin zańnamany jańa Konstitýtsiiaǵa sáikestendirý jáne aldaǵy Quryltai sailaýy Ádiletti Qazaqstan qaǵidattaryna negizdelgen el damýynyń jańa kezeńiniń bastalǵanyn kórsetetinin atap ótti.
Onyń aitýynsha, bul bastamalar qoǵam suranysyna sai keletin tiimdi saiasi júie qalyptastyryp, memlekettik institýttardyń jaýapkershiligin kúsheitýge múmkindik beredi.
