Qyrǵyzstannyń Ministrler kabineti tóraǵasynyń orynbasary – Memlekettik ulttyq qaýipsizdik komitetiniń tóraǵasy Qamshybek Táshiev qyzmetinen bosatyldy. Bul týraly qyrǵyzstandyq BAQ jazdy. Tiisti jarlyqqa Qyrǵyzstan prezidenti Sadyr Japarov qol qoiǵan, dep habarlaidy Dalanews.kz.
24.kg basylymy Qamshybek Táshiev Qyrǵyzstan MUQK tóraǵasy qyzmetine 2020 jylǵy 16 qazanda taǵaiyndalǵanyn eske saldy. 2020 jyly 5-6 qazandaǵy oqiǵalardan keiin prezident mindetin atqarýshy bolǵan Sadyr Japarov tiisti jarlyqqa qol qoiǵan edi.
Basylymnyń jazýynsha, Qamshybek Táshiev pen qazirgi prezident Sadyr Japarovtyń kópjyldyq qarym-qatynasy eldegi eń turaqty ári yqpaldy saiasi odaqtardyń biri sanalyp kelgen. Olardyń áriptestigi bilikke kelgenge deiin bastalyp, 2010 jyldardyń basynda saiasi protsesterde birge áreket etken.
2020 jylǵy qazan oqiǵalarynan keiin bul tandem tolyq qalyptasty: Sadyr Japarov prezident qyzmetine kirisse, Qamshybek Táshiev MUQK tóraǵasy bolyp taǵaiyndalyp, kúshtik qurylymdardyń negizgi tiregine ainaldy.
Ol eń rezonansty isterdi baqylap, kúshtik saiasatty qalyptastyrýǵa qatysqan jáne Qyrǵyzstan prezidenti komandasynyń eń senimdi serikteriniń biri sanalǵan.
