قىرعىزستاننىڭ مينيسترلەر كابينەتى ءتوراعاسىنىڭ ورىنباسارى – مەملەكەتتىك ۇلتتىق قاۋىپسىزدىك كوميتەتىنىڭ ءتوراعاسى قامشىبەك تاشييەۆ قىزمەتىنەن بوساتىلدى. بۇل تۋرالى قىرعىزستاندىق ب ا ق جازدى. ءتيىستى جارلىققا قىرعىزستان پرەزيدەنتى سادىر جاپاروۆ قول قويعان، دەپ حابارلايدى Dalanews.kz.
24.kg باسىلىمى قامشىبەك تاشييەۆ قىرعىزستان مۇقك ءتوراعاسى قىزمەتىنە 2020 جىلعى 16 قازاندا تاعايىندالعانىن ەسكە سالدى. 2020 جىلى 5-6 قازانداعى وقيعالاردان كەيىن پرەزيدەنت مىندەتىن اتقارۋشى بولعان سادىر جاپاروۆ ءتيىستى جارلىققا قول قويعان ەدى.
باسىلىمنىڭ جازۋىنشا، قامشىبەك تاشييەۆ پەن قازىرگى پرەزيدەنت سادىر جاپاروۆتىڭ كوپجىلدىق قارىم-قاتىناسى ەلدەگى ەڭ تۇراقتى ءارى ىقپالدى ساياسي وداقتاردىڭ ءبىرى سانالىپ كەلگەن. ولاردىڭ ارىپتەستىگى بيلىككە كەلگەنگە دەيىن باستالىپ، 2010 جىلداردىڭ باسىندا ساياسي پروسەستەردە بىرگە ارەكەت ەتكەن.
2020 جىلعى قازان وقيعالارىنان كەيىن بۇل تاندەم تولىق قالىپتاستى: سادىر جاپاروۆ پرەزيدەنت قىزمەتىنە كىرىسسە، قامشىبەك تاشييەۆ مۇقك ءتوراعاسى بولىپ تاعايىندالىپ، كۇشتىك قۇرىلىمداردىڭ نەگىزگى تىرەگىنە اينالدى.
ول ەڭ رەزونانستى ىستەردى باقىلاپ، كۇشتىك ساياساتتى قالىپتاستىرۋعا قاتىسقان جانە قىرعىزستان پرەزيدەنتى كومانداسىنىڭ ەڭ سەنىمدى سەرىكتەرىنىڭ ءبىرى سانالعان.
