Solardyń biri «Qoshqar ata» ózeniniń boiynan saiabaqtar men alleialar, eski qalashyq mańynan ashyq aspan astyndaǵy murajai salý jumystary. Mamandar joba boiynsha atalǵan aýmaqtardaǵy birqatar jeke turǵyn úiler, komertsiialyq nysandar men jekeshelendirilgen jalpy aýmaǵy 5,55 gektardy quraityn jer ýchaskesin memleket muqtajyna alý jumystaryn atqarý kerektigin jetkizdi. Óńir basshysy sharaǵa qatysqan jergilikti turǵyndardy aldaǵy ýaqytta atqarylatyn osyndai sharýalarǵa túsinistikpen qaraýǵa shaqyrdy.
– Shymkent qalashyǵynyń kóne arheologiialyq keshenin murajailandyrý maqsatynda aǵymdaǵy jyly birqatar jumystardy atqarýymyz tiis. Onyń ishinde, belgilengen jospar boiynsha 118 nysan memleket muqtajyna alý jumystary júrgiziletin bolady. Bul nysandar Qarasý ózeniniń boiynda 30 metr qashyqtyqta ornalasqan. Osyndai jaqsy jańalyqtarmen bólisip ózderińizben talqylaýdy jón kórip otyrmyz. Sizderdi ońtaily oi-pikirlerińizdi ortaǵa salýǵa shaqyramyn, – dedi Janseiit Qanseiituly.
Óz kezeginde sóz alǵan qoǵam belsendileri men qala turǵyndary atqarylyp jatqan sharýalarǵa halyq dán riza ekenin aitty. Ásirese, qaraýsyz qalǵan ózen boiyndaǵy abattandyrý jumystary kóptiń kóńilinen shyǵyp otyr.
Sondai-aq, jiynda sóz alǵan qoǵam belsendisi Janysbek Ótegen oblys basshysynyń halyqpen aqyldasa otyryp, atqarǵan jumystaryna qýanatynyn jetkizdi. Ol saiabaqtar men arbattarǵa qazaq halqynyń qalyptasýy men damýyna úles qosqan tulǵalarǵa arnap eskertkish qoiýdy usyndy. Óńir basshysy aitylǵan usynys-pikirler aldaǵy ýaqytta eskeriletinin jetkizdi.
OQO ákiminiń baspasóz qyzmeti
https://dalanews.kz/27771
