سولاردىڭ بٸرٸ «قوشقار اتا» ٶزەنٸنٸڭ بويىنان ساياباقتار مەن اللەيالار, ەسكٸ قالاشىق ماڭىنان اشىق اسپان استىنداعى مۇراجاي سالۋ جۇمىستارى. ماماندار جوبا بويىنشا اتالعان اۋماقتارداعى بٸرقاتار جەكە تۇرعىن ٷيلەر, كومەرتسييالىق نىساندار مەن جەكەشەلەندٸرٸلگەن جالپى اۋماعى 5,55 گەكتاردى قۇرايتىن جەر ۋچاسكەسٸن مەملەكەت مۇقتاجىنا الۋ جۇمىستارىن اتقارۋ كەرەكتٸگٸن جەتكٸزدٸ. ٶڭٸر باسشىسى شاراعا قاتىسقان جەرگٸلٸكتٸ تۇرعىنداردى الداعى ۋاقىتتا اتقارىلاتىن وسىنداي شارۋالارعا تٷسٸنٸستٸكپەن قاراۋعا شاقىردى.
– شىمكەنت قالاشىعىنىڭ كٶنە ارحەولوگييالىق كەشەنٸن مۇراجايلاندىرۋ ماقساتىندا اعىمداعى جىلى بٸرقاتار جۇمىستاردى اتقارۋىمىز تيٸس. ونىڭ ٸشٸندە, بەلگٸلەنگەن جوسپار بويىنشا 118 نىسان مەملەكەت مۇقتاجىنا الۋ جۇمىستارى جٷرگٸزٸلەتٸن بولادى. بۇل نىساندار قاراسۋ ٶزەنٸنٸڭ بويىندا 30 مەتر قاشىقتىقتا ورنالاسقان. وسىنداي جاقسى جاڭالىقتارمەن بٶلٸسٸپ ٶزدەرٸڭٸزبەن تالقىلاۋدى جٶن كٶرٸپ وتىرمىز. سٸزدەردٸ وڭتايلى وي-پٸكٸرلەرٸڭٸزدٸ ورتاعا سالۋعا شاقىرامىن, – دەدٸ جانسەيٸت قانسەيٸتۇلى.
ٶز كەزەگٸندە سٶز العان قوعام بەلسەندٸلەرٸ مەن قالا تۇرعىندارى اتقارىلىپ جاتقان شارۋالارعا حالىق دەن ريزا ەكەنٸن ايتتى. ەسٸرەسە, قاراۋسىز قالعان ٶزەن بويىنداعى اباتتاندىرۋ جۇمىستارى كٶپتٸڭ كٶڭٸلٸنەن شىعىپ وتىر.
سونداي-اق, جيىندا سٶز العان قوعام بەلسەندٸسٸ جانىسبەك ٶتەگەن وبلىس باسشىسىنىڭ حالىقپەن اقىلداسا وتىرىپ, اتقارعان جۇمىستارىنا قۋاناتىنىن جەتكٸزدٸ. ول ساياباقتار مەن ارباتتارعا قازاق حالقىنىڭ قالىپتاسۋى مەن دامۋىنا ٷلەس قوسقان تۇلعالارعا ارناپ ەسكەرتكٸش قويۋدى ۇسىندى. ٶڭٸر باسشىسى ايتىلعان ۇسىنىس-پٸكٸرلەر الداعى ۋاقىتتا ەسكەرٸلەتٸنٸن جەتكٸزدٸ.
وقو ەكٸمٸنٸڭ باسپاسٶز قىزمەتٸ
https://dalanews.kz/27771
