سولاردىڭ ءبىرى «قوشقار اتا» وزەنىنىڭ بويىنان ساياباقتار مەن اللەيالار، ەسكى قالاشىق ماڭىنان اشىق اسپان استىنداعى مۇراجاي سالۋ جۇمىستارى. ماماندار جوبا بويىنشا اتالعان اۋماقتارداعى ءبىرقاتار جەكە تۇرعىن ۇيلەر، كومەرسيالىق نىساندار مەن جەكەشەلەندىرىلگەن جالپى اۋماعى 5،55 گەكتاردى قۇرايتىن جەر ۋچاسكەسىن مەملەكەت مۇقتاجىنا الۋ جۇمىستارىن اتقارۋ كەرەكتىگىن جەتكىزدى. ءوڭىر باسشىسى شاراعا قاتىسقان جەرگىلىكتى تۇرعىنداردى الداعى ۋاقىتتا اتقارىلاتىن وسىنداي شارۋالارعا تۇسىنىستىكپەن قاراۋعا شاقىردى.
– شىمكەنت قالاشىعىنىڭ كونە ارحەولوگيالىق كەشەنىن مۇراجايلاندىرۋ ماقساتىندا اعىمداعى جىلى ءبىرقاتار جۇمىستاردى اتقارۋىمىز ءتيىس. ونىڭ ىشىندە، بەلگىلەنگەن جوسپار بويىنشا 118 نىسان مەملەكەت مۇقتاجىنا الۋ جۇمىستارى جۇرگىزىلەتىن بولادى. بۇل نىساندار قاراسۋ وزەنىنىڭ بويىندا 30 مەتر قاشىقتىقتا ورنالاسقان. وسىنداي جاقسى جاڭالىقتارمەن ءبولىسىپ وزدەرىڭىزبەن تالقىلاۋدى ءجون كورىپ وتىرمىز. سىزدەردى وڭتايلى وي-پىكىرلەرىڭىزدى ورتاعا سالۋعا شاقىرامىن، – دەدى جانسەيىت قانسەيىت ۇلى.
ءوز كەزەگىندە ءسوز العان قوعام بەلسەندىلەرى مەن قالا تۇرعىندارى اتقارىلىپ جاتقان شارۋالارعا حالىق ءدان ريزا ەكەنىن ايتتى. اسىرەسە، قاراۋسىز قالعان وزەن بويىنداعى اباتتاندىرۋ جۇمىستارى كوپتىڭ كوڭىلىنەن شىعىپ وتىر.
![](/uploads/images/20240127234834615.jpg)
سونداي-اق، جيىندا ءسوز العان قوعام بەلسەندىسى جانىسبەك وتەگەن وبلىس باسشىسىنىڭ حالىقپەن اقىلداسا وتىرىپ، اتقارعان جۇمىستارىنا قۋاناتىنىن جەتكىزدى. ول ساياباقتار مەن ارباتتارعا قازاق حالقىنىڭ قالىپتاسۋى مەن دامۋىنا ۇلەس قوسقان تۇلعالارعا ارناپ ەسكەرتكىش قويۋدى ۇسىندى. ءوڭىر باسشىسى ايتىلعان ۇسىنىس-پىكىرلەر الداعى ۋاقىتتا ەسكەرىلەتىنىن جەتكىزدى.
![](/uploads/images/20240127234835054.jpg)
وقو اكىمىنىڭ باسپا ءسوز قىزمەتى
https://dalanews.kz/27771