Túrkistan qalasynda Qazaqstan Respýblikasynyń Tuńǵysh Prezidenti kúnine arnalǵan merekelik is-shara ótti. Oǵan túrli salada qyzmet atqaratyn oblys turǵyndary, máslihat depýtattary, basqarma basshylary, qoǵamdyq uiymdar men ziialy qaýym ókilderi qatysty.
Aldymen Q.A.Iasaýi atyndaǵy HQTÝ-dyń foiesinde Qazaqstan Respýblikasynyń Tuńǵysh Prezidenti kúnine arnalǵan kórme uiymdastyryldy. Kórmede Elbasymyzdyń qoǵamdyq jáne saiasi qyzmetinen syr shertetin qundy fotosýretter men derekter qoiylǵan.
Odan keiin jiylǵan kópshilik saltanatty jiyndy tamashalady. Basqosýda Túrkistan oblysynyń ákimi Janseiit Túimebaev jurtshylyqty merekemen quttyqtap, Elbasynyń batyl bastamalary men "Uly dalanyń jeti qyry" maqalasy jóninde baiandama jasady.
«Barshańyzdy Qazaqstan Respýblikasynyń Tuńǵysh Prezidenti kúnimen shyn júrekten quttyqtaimyn. Biyl bul merekeni jańa oblys ortalyǵynda, iaǵni, Túrkistan qalasynda alǵash ret atap ótýdemiz. Bul da tarihi sát. Túrkistanymyz kórkeiip, kieli shahardyń jylnamasy jarqyn oqiǵalarmen tolyǵyp jatyr. Búginde Qazaqstan Elbasymyzdyń sarabdal saiasatynyń nátijesinde beibitshilik pen kelisimniń, birlik pen tatýlyqtyń mekenine ainaldy. Ult kóshbasshysynyń kóregendigi men saiasi qairatkerligin búkil el biledi jáne qurmetteidi. Mine, eldiń ystyq yqylasynyń nátijesinde birneshe jyldan beri Qazaqstan Respýblikasynyń Tuńǵysh Prezidenti kúni atalyp ótip júr. Bul el perzentine, Ult kóshbasshysyna berilgen ádil baǵa jáne laiyqty qurmet!», — degen oblys ákimi bir top azamatqa «Astana 20 jyl» merekelik medali men oblys ákiminiń Alǵys hatyn tapsyrdy.
Saltanatty shara merekelik kontsertpen órnekteldi. Sahna tórinde Sh.Qaldaiaqov atyndaǵy oblystyq filarmoniia men oblystyq opera jáne balet teatrynyń ónerpazdary óner kórsetti. Sonymen birge, «Tumar», «Bi sultan», «Bolashaq» toptary óner kórsetse, Q.Qasymova, A.Ábildaeva, J.Turǵanbek, T.Álmenov jáne ózge de jeztańdai ánshiler Otan taqyrybyndaǵy ánderdi shyrqap, jurtshylyqqa kóterińki kóńil-kúi syilady.
