Janseiit Túimebaev qytailyq delegatsiiamen kezdesti
Kezdesýde oblys ákimi óńirimizdiń ekonomikalyq áleýetin aita kele, kórshi elmen alys-beristi kúsheitý baǵytynda birqatar usynys pikirlerin jetkizdi.
«Menińshe bul kezdesý eki tarap úshin de tiimdi bolady. Sebebi bizdiń óńirde kásipkerlikpen ainalysý úshin yńǵaily jaǵdai jasalǵan. Ol qytailyq kásipkerlerdi qyzyqtyrady dep oilaimyn. Buǵan deiin de eki el arasynda bailanys jaqsy bolyp keldi. Elimizdegi qytailyq kompaniialarmen birlesip júzege asyrylǵan 50-den astam jobamen, qos tarap arasyndaǵy taýar ainalymnyń 10,4 mlrd-qa AQSh dollaryna jetkeni osynyń dáleli. Aldaǵy ýaqytta áriptestik qarym-qatynasty týrizm jáne invatsiialyq damý baǵytynda da nyǵaita túsemiz degen senimdemin», – dedi Janseiit Qanseiituly.
Ońtústik óńiri jaily aqparatqa qanyqqan qonaqtar da birlesip jumys isteýge múddeli ekendikterin jetkizdi. Olar Qytaida bilim salasyna qatysty jańa bastama iske asyrylǵaly jatqanyn aita kele, qazaqstandyqtardy óz elderine oqýǵa shaqyrdy.
«Negizinde qos tarap arasynda qatynasty nyǵaitý eki elge de óte tiimdi. Osy rette biz ǵylym men bilimdi damytýǵa kúsh salyp kelemiz. Atalǵan salany damyta otyryp, kórshi eldermen qatynasty nyǵaitýdy kózdep otyrmyz. Máselen, osy joba aiasynda qazaqstandyq mektep bitirýshilerdi oqýǵa shaqyramyz. Sondai-aq, oqý aiaqtalǵan soń olardy jumysqa ornalastyrý máselesin de sheship berýge atsalysamyz», – dedi QHR Investitsiia jáne damý komitetiniń departament basshysy Chin Iýitsai.
Aita keteiik, Qytai elinde qazirdiń ózinde 15 myńǵa tarta qazaqstandyq jas bilimin jetildirip júr. Eki el arasyndaǵy jobalar oń sheshimin tapsa, bul kórsetkish eselep artýy múmkin. Óitkeni, qytailyq oqý oryndar biyl taǵy grant bólip otyr.
OQO ákiminiń baspasóz qyzmeti
