Dostyq móltekaýdanynyń turǵyny S.Asan memleketten alǵan turǵyn úiin jekeshelendire almai kele jatqanyn aitty. Onyń aitýynsha, Turǵyn úi bóliminiń basshysy M.Abdinurov tiisti qujattardy rásimdeýge kedergi keltirip otyrǵanyn alǵa tartty.
Al, Shańyraq shaǵyn aýdanynyń turǵyny O.Kenjaev oralmandarǵa jer berý, sondai-aq jeke qosalqy sharýashylyqqa berilgen jerlerdiń nysanaly maqsatyn turǵyn úi qurylysyn júrgizý úshin dep ózgertý máselesin surai kelgen.
Kókbulaq turǵyn alabynyń turǵyny B.Mashabaeva bolsa, baspanamnan airylyp, dalada qalamyn ba dep qorqady. Onyń úii «Pavlodar-Shymkent» munai qubyrynyń mańyna tym jaqyn salynǵandyqtan jer telimi memleketke qaitarylýda eken. Osyǵan bailanysty kompensatsiia máselesin ońtaily sheship berýin suraidy.
Turǵyndardy tyńdaǵan óńir basshysy, tirkelgen máselelerdi qysqa merzimde sheshýdi sala mamandaryna tapsyryp, istiń sońyna deiin jetýin ózi qadaǵalaýǵa alatynyn aitty.
– Turǵyndardy alańdatatyn máseleniń kópshiligi jer, baspana, infraqurlym máselelerine qatysty ekenin jaqsy bilemin. Sondyqtan da osy salalar erekshe qadaǵalap, qiyndyqtardy sheshýge barynsha jumys jasap jatyrmyz. Sizderdiń saýaldaryńyzdy tiisti aýdan ákimderimen, sala basshylaryna tapsyrdym. Bul jumystardy tolyqtai oń sheshilýin jeke ózim qadaǵalaýǵa alatyn bolamyn, – dedi Janseiit Qanseiituly.
Shara barysynda óńirimizdiń mádeniet salasyna da qatysty birneshe másele kóterildi. Oblys ákimi basqarma basshysyna zań aiasynda tiisti shara qoldanyp, azamattardyń saýalyn ońtaily jaýap berýin tapsyrdy.
OQO ákiminiń baspasóz qyzmeti
https://dalanews.kz/27984
