دوستىق مولتەكاۋدانىنىڭ تۇرعىنى س.اسان مەملەكەتتەن العان تۇرعىن ءۇيىن جەكەشەلەندىرە الماي كەلە جاتقانىن ايتتى. ونىڭ ايتۋىنشا، تۇرعىن ءۇي ءبولىمىنىڭ باسشىسى م.ابدينۇروۆ ءتيىستى قۇجاتتاردى راسىمدەۋگە كەدەرگى كەلتىرىپ وتىرعانىن العا تارتتى.
ال، شاڭىراق شاعىن اۋدانىنىڭ تۇرعىنى و.كەنجايەۆ ورالماندارعا جەر بەرۋ، سونداي-اق جەكە قوسالقى شارۋاشىلىققا بەرىلگەن جەرلەردىڭ نىسانالى ماقساتىن تۇرعىن ءۇي قۇرىلىسىن جۇرگىزۋ ءۇشىن دەپ وزگەرتۋ ماسەلەسىن سۇراي كەلگەن.
كوكبۇلاق تۇرعىن الابىنىڭ تۇرعىنى ب.ماشابايەۆا بولسا، باسپانامنان ايرىلىپ، دالادا قالامىن با دەپ قورقادى. ونىڭ ءۇيى «پاۆلودار-شىمكەنت» مۇناي قۇبىرىنىڭ ماڭىنا تىم جاقىن سالىنعاندىقتان جەر تەلىمى مەملەكەتكە قايتارىلۋدا ەكەن. وسىعان بايلانىستى كومپەنساسيا ماسەلەسىن وڭتايلى شەشىپ بەرۋىن سۇرايدى.
تۇرعىنداردى تىڭداعان ءوڭىر باسشىسى، تىركەلگەن ماسەلەلەردى قىسقا مەرزىمدە شەشۋدى سالا ماماندارىنا تاپسىرىپ، ءىستىڭ سوڭىنا دەيىن جەتۋىن ءوزى قاداعالاۋعا الاتىنىن ايتتى.
– تۇرعىنداردى الاڭداتاتىن ماسەلەنىڭ كوپشىلىگى جەر، باسپانا، ينفراقۇرلىم ماسەلەلەرىنە قاتىستى ەكەنىن جاقسى بىلەمىن. سوندىقتان دا وسى سالالار ەرەكشە قاداعالاپ، قيىندىقتاردى شەشۋگە بارىنشا جۇمىس جاساپ جاتىرمىز. سىزدەردىڭ ساۋالدارىڭىزدى ءتيىستى اۋدان اكىمدەرىمەن، سالا باسشىلارىنا تاپسىردىم. بۇل جۇمىستاردى تولىقتاي وڭ شەشىلۋىن جەكە ءوزىم قاداعالاۋعا الاتىن بولامىن، – دەدى جانسەيىت قانسەيىت ۇلى.
شارا بارىسىندا ءوڭىرىمىزدىڭ مادەنيەت سالاسىنا دا قاتىستى بىرنەشە ماسەلە كوتەرىلدى. وبلىس اكىمى باسقارما باسشىسىنا زاڭ اياسىندا ءتيىستى شارا قولدانىپ، ازاماتتاردىڭ ساۋالىن وڭتايلى جاۋاپ بەرۋىن تاپسىردى.
وقو اكىمىنىڭ باسپا ءسوز قىزمەتى
https://dalanews.kz/27984
