كٶلٸك پروكۋرورلارى رەسپۋبليكالىق ماڭىزى بار اۆتوجولداردى جٶندەۋگە بٶلٸنگەن 9,8 ملرد تەڭگەنٸڭ تيٸمسٸز جۇمسالۋىنا جول بەرمەدٸ, دەپ حابارلايدى dalanews.kz.
تەكسەرۋ بارىسىندا رەسەي شەكاراسىنان شىمكەنتكە دەيٸنگٸ اۆتوجولدىڭ جٶندەلۋگە تيٸس بٸر بٶلٸگٸ "ۇلعايسىن - سەكسەۋٸل" تاسجولىن قايتا جاڭعىرتۋ جوباسىنا دا ەنگٸزٸلگەنٸ انىقتالدى. ياعني بٸر ۋچاسكەدەگٸ جۇمىستار ەكٸ جوبادا قاتار ەسەپتەلگەن.
پروكۋراتۋرانىڭ ارالاسۋىنان كەيٸن جوسپارلانعان جۇمىس كٶلەمٸ قايتا قارالىپ, بيۋدجەتتەن بٶلٸنگەن 7,1 ملرد تەڭگە ٷنەمدەلدٸ.
تاعى بٸر زاڭ بۇزۋشىلىق "جەتٸباي – جاڭاٶزەن – كەندٸرلٸ – تٷرٸكمەنستان شەكاراسى" اۆتوجولىن كٷردەلٸ جٶندەۋ جوباسىنان تابىلدى. جوبالىق-سمەتالىق قۇجاتتاردا كەيبٸر قۇرىلىس ماتەريالدارى مەن جۇمىس تٷرلەرٸنٸڭ قۇنى دۇرىس ەسەپتەلمەگەن.
قايتا ەسەپتەۋ نەتيجەسٸندە جوبانىڭ جالپى قۇنى 21,6 ملرد تەڭگەدەن 18,9 ملرد تەڭگەگە دەيٸن تٶمەندەتٸلدٸ. وسىلايشا تاعى 2,7 ملرد تەڭگەنٸڭ ورىنسىز جۇمسالۋىنا توسقاۋىل قويىلدى.
جالپى پروكۋرورلىق قاداعالاۋ شارالارىنىڭ نەتيجەسٸندە جول جٶندەۋ سالاسىنا باعىتتالعان 9,8 ملرد تەڭگە بيۋدجەت قاراجاتى ساقتالدى.
