Kólik prokýrorlary respýblikalyq mańyzy bar avtojoldardy jóndeýge bólingen 9,8 mlrd teńgeniń tiimsiz jumsalýyna jol bermedi, dep habarlaidy dalanews.kz.
Tekserý barysynda Resei shekarasynan Shymkentke deiingi avtojoldyń jóndelýge tiis bir bóligi "Ulǵaisyn - Sekseýil" tasjolyn qaita jańǵyrtý jobasyna da engizilgeni anyqtaldy. Iaǵni bir ýchaskedegi jumystar eki jobada qatar eseptelgen.
Prokýratýranyń aralasýynan keiin josparlanǵan jumys kólemi qaita qaralyp, biýdjetten bólingen 7,1 mlrd teńge únemdeldi.
Taǵy bir zań buzýshylyq "Jetibai – Jańaózen – Kendirli – Túrikmenstan shekarasy" avtojolyn kúrdeli jóndeý jobasynan tabyldy. Jobalyq-smetalyq qujattarda keibir qurylys materialdary men jumys túrleriniń quny durys eseptelmegen.
Qaita esepteý nátijesinde jobanyń jalpy quny 21,6 mlrd teńgeden 18,9 mlrd teńgege deiin tómendetildi. Osylaisha taǵy 2,7 mlrd teńgeniń orynsyz jumsalýyna tosqaýyl qoiyldy.
Jalpy prokýrorlyq qadaǵalaý sharalarynyń nátijesinde jol jóndeý salasyna baǵyttalǵan 9,8 mlrd teńge biýdjet qarajaty saqtaldy.
