Óńir basshysy eń aldymen maidanger Qaratai Tólebekovti merekemen quttyqtap otbasyna bardy. Eńbek ardagerine qurmet kórsetken ákim óńirdegi atqarylǵan jemisti jumystardy atap ótip, búgingi jastardyń iskerligin sóz etti.
«Búgingi jas urpaq ózińizdei tulǵalarǵa eliktep ósýi kerek. Sol arqyly eńbekqorlyqty, batyrlyqty boiyna sińiredi. Qazynaly qarttarymyz ulaǵatty bolashaǵymyzdyń kepili. Elimizdegi barlyq ardagerlerimizdiń denderi saý, jastary uzaq bolǵai», - dedi ákim.
Qaratai Muratbekuly 1942-1945 jaldary Kalinin, II-Baltyq fronttarynda qatardaǵy jaýynger, kishi bólim komandiri, batalon komsorgi, áskeri himik bolǵan. Otan soǵysynyń II-shi dárejeli jáne «Qurmet belgisi» ordenimen, Sondai-aq bilim salasyndaǵy jemisti eńbekteri úshin «Bilim salasyndaǵy erekshe eńbekteri úshin» tósbelgisimen marapattalǵan.
Budan bólek, aimaq basshysy kópbalaly otbasy Seitbekovtar shańyraǵynda bolyp, balalarǵa jańa jyldyq táttiler úlestirip, teledidar syilady. Qýanyshqa bólengen balǵyndar oblys ákimine óz ónerlerin kórsetti.Toǵyz balanyń anasy Ainur Jaksylyqova búginde «Altyn alqa» iegeri atanǵan.
Táýelsiz elimizdiń demografiialyq ósimine eleýli úles qosyp júrgen altyn qursaqty analarymyzdy quttyqtaǵan oblys ákimi, batyr analarǵa densaýlyq, otbasylaryna amandyq pen tatýlyq tiledi.
Aita keteiik, búginde Ońtústik Qazaqstan oblysynda «Qazaqstan Respýblikasyna sińirgen erekshe eńbegi úshin respýblikalyq dárejedegi 8 derbes zeinetker, 196 Uly Otan soǵysynyń ardageri men 5543 «Altyn alqa» iegeri turady.
Budan bólek, osy kúni oblys ákiminiń orynbasary Erbol Sadyr 11 balany tárbielep otyrǵan Júsipbaevtardyń otbasyna bardy. Balalardyń anasy Madina Júsipbaeva búginde «Altyn alqa» iesi.
OQO ákiminiń baspasóz qyzmeti
