ٶڭٸر باسشىسى ەڭ الدىمەن مايدانگەر قاراتاي تٶلەبەكوۆتٸ مەرەكەمەن قۇتتىقتاپ وتباسىنا باردى. ەڭبەك ارداگەرٸنە قۇرمەت كٶرسەتكەن ەكٸم ٶڭٸردەگٸ اتقارىلعان جەمٸستٸ جۇمىستاردى اتاپ ٶتٸپ, بٷگٸنگٸ جاستاردىڭ ٸسكەرلٸگٸن سٶز ەتتٸ.
«بٷگٸنگٸ جاس ۇرپاق ٶزٸڭٸزدەي تۇلعالارعا ەلٸكتەپ ٶسۋٸ كەرەك. سول ارقىلى ەڭبەكقورلىقتى, باتىرلىقتى بويىنا سٸڭٸرەدٸ. قازىنالى قارتتارىمىز ۇلاعاتتى بولاشاعىمىزدىڭ كەپٸلٸ. ەلٸمٸزدەگٸ بارلىق ارداگەرلەرٸمٸزدٸڭ دەندەرٸ ساۋ, جاستارى ۇزاق بولعاي», - دەدٸ ەكٸم.
قاراتاي مۇراتبەكۇلى 1942-1945 جالدارى كالينين, ٸٸ-بالتىق فرونتتارىندا قاتارداعى جاۋىنگەر, كٸشٸ بٶلٸم كومانديرٸ, باتالون كومسورگٸ, ەسكەري حيميك بولعان. وتان سوعىسىنىڭ ٸٸ-شٸ دەرەجەلٸ جەنە «قۇرمەت بەلگٸسٸ» وردەنٸمەن, سونداي-اق بٸلٸم سالاسىنداعى جەمٸستٸ ەڭبەكتەرٸ ٷشٸن «بٸلٸم سالاسىنداعى ەرەكشە ەڭبەكتەرٸ ٷشٸن» تٶسبەلگٸسٸمەن ماراپاتتالعان.
بۇدان بٶلەك, ايماق باسشىسى كٶپبالالى وتباسى سەيتبەكوۆتار شاڭىراعىندا بولىپ, بالالارعا جاڭا جىلدىق تەتتٸلەر ٷلەستٸرٸپ, تەلەديدار سىيلادى. قۋانىشقا بٶلەنگەن بالعىندار وبلىس ەكٸمٸنە ٶز ٶنەرلەرٸن كٶرسەتتٸ.توعىز بالانىڭ اناسى اينۇر جاكسىلىقوۆا بٷگٸندە «التىن القا» يەگەرٸ اتانعان.
تەۋەلسٸز ەلٸمٸزدٸڭ دەموگرافييالىق ٶسٸمٸنە ەلەۋلٸ ٷلەس قوسىپ جٷرگەن التىن قۇرساقتى انالارىمىزدى قۇتتىقتاعان وبلىس ەكٸمٸ, باتىر انالارعا دەنساۋلىق, وتباسىلارىنا اماندىق پەن تاتۋلىق تٸلەدٸ.
ايتا كەتەيٸك, بٷگٸندە وڭتٷستٸك قازاقستان وبلىسىندا «قازاقستان رەسپۋبليكاسىنا سٸڭٸرگەن ەرەكشە ەڭبەگٸ ٷشٸن رەسپۋبليكالىق دەرەجەدەگٸ 8 دەربەس زەينەتكەر, 196 ۇلى وتان سوعىسىنىڭ ارداگەرٸ مەن 5543 «التىن القا» يەگەرٸ تۇرادى.
بۇدان بٶلەك, وسى كٷنٸ وبلىس ەكٸمٸنٸڭ ورىنباسارى ەربول سادىر 11 بالانى تەربيەلەپ وتىرعان جٷسٸپباەۆتاردىڭ وتباسىنا باردى. بالالاردىڭ اناسى مادينا جٷسٸپباەۆا بٷگٸندە «التىن القا» يەسٸ.
وقو ەكٸمٸنٸڭ باسپاسٶز قىزمەتٸ
