WBO/IBF nusqalary boiynsha álem chempiony Jánibek Álimhanulynyń menedjeri Egis Klimas tyiym salynǵan zattyń boksshy aǵzasyna qalai túskenin túsindirdi, dep habarlaidy Dalanews.kz Sports.kz-ke silteme jasap.
Klimastyń aitýynsha, ótken jyldyń mamyr aiynda Álimhanuly qatty bas aýrýy, júrek ainý jáne qusý belgilerimen klinikaǵa júgingen. Dárigerler jaǵdaidyń jedeldigine bailanysty oǵan kóktamyr arqyly ripronat preparatyn taǵaiyndaǵan. Bul dáriniń belsendi zaty meldonii.
Menedjer sol kezde boksshynyń alda josparlanǵan jekpe-jekteri bolmaǵanyn jáne WADA testileý pýlyna kirmegenin atap ótti. Sondai-aq meldoniidiń aǵzada toǵyz aiǵa deiin saqtalýy múmkin ekenin aitty.
"Dárigerler ony tolyqtai zańdy preparattarmen emdedi. Bul dáriler Qazaqstanda tipti retseptsiz de satylady", – dedi Egis Klimas.
Aita keteiik, Álimhanuly 2026 jylǵy 2 jeltoqsanǵa deiin jarystardan shettetilgenimen, óziniń chempiondyq belbeýlerin saqtap qaldy.
