Álem chempiony Jánibek Álimhanuly doping daýyna bailanysty áli de tekseris aiasynda qalyp otyr. Alaida onyń isi boiynsha túpkilikti sheshim ázirge qabyldanǵan joq, dep habarlaidy Dalanews.kz.
Qazaqstannyń kásibi boks federatsiiasynyń tártiptik komissiiasy sportshyǵa qatysty alǵashqy tyńdaýdy ótkizdi. Komissiia bul kezeńde naqty úkim shyǵarýdy emes, istiń materialdary men rásimderine bastapqy baǵa berýdi maqsat etken.
Federatsiia prezidenti Rahymjan Erdenbekovtiń aitýynsha, is jan-jaqty zertteýdi talap etedi.
"Bul kezeńniń ózinde isti formaldy túrde qaraý múmkin emestigi anyqtaldy. Sondyqtan qosymsha meditsinalyq, saraptamalyq jáne quqyqtyq baǵalaý qajet. Osyǵan bailanysty 23 qańtarǵa qaita tyńdaý taǵaiyndaldy. Bul - kúrdeli doping isterinde qoldanylatyn halyqaralyq standartty tájiribe", - dedi ol.
Federatsiia basshysy doping synamasynan oń nátije shyǵýy sportshynyń kinásin birden dáleldei almaitynyn atap ótti.
"Doping-synamanyń oń nátijesi ózdiginen sportshynyń qasaqana áreketin nemese eleýli kinásin bildirmeidi", - dedi Rahymjan Erdenbekov.
Qazirgi tańda komissiia barlyq derekterdi jan-jaqty saraptaǵannan keiin ǵana túpkilikti sheshim qabyldaitynyn habarlady.
Jánibek Álimhanulynyń isi boiynsha qaita tyńdaý 23 qańtarda ótedi.
