Týrizm jáne sport vitse-ministri Serik Jarasbaev boksshy Jánibek Álimhanulyna qatysty shyqqan doping daýǵa pikir bildirdi, dep habarlaidy Dalanews.kz.
Vitse-ministrdiń aitýynsha, qazirgi ýaqytta vedomstvo Jánibektiń komandasymen turaqty bailanysta. Sheneýnik oqiǵany saraptaýǵa asyqpai, resmi tergeý qorytyndysyn kútýdi usyndy.
«Jánibek Álimhanulynyń jekpe-jegine qatysty men buǵan deiin de pikir bildirdim. Qazir Týrizm jáne sport ministrligi Jánibektiń komandasymen bailanysta. Ókinishke qarai, uiymdastyrýshylar onyń synamasynan... tyiym salynǵan zat anyqtalǵanyn habarlady. Saldarynan jekpe-jek toqtatyldy. Degenmen biz onyń doping qoldanbaǵanyna senemiz jáne senimdimiz. Ol zattyń aǵzasyna qalai túskeni áli anyqtalýy kerek. Bul máselemen antidopingtik uiymdar ainalysady. Qorytyndyǵa asyqpaýǵa keńes beremiz. Antidopingtik tergeý tolyq aiaqtalsyn. Qajet bolǵan jaǵdaida ministrlik halyqaralyq sarapshylardy tartýǵa daiyn», – dedi vitse-ministr.
Jánibek Álimhanuly 6 jeltoqsanda Kýba boksshysy Erislandi Laramen jekpe-jekke shyǵýy tiis edi. Alaida kezdesýdiń bolmaityny resmi túrde habarlandy. Buǵan sebep qazaqstandyq boksshynyń analizinen meldonii atty tyiym salynǵan preparat tabylǵany.
Vedomstvo ókilderi tergeý nátijesi shyqpai turyp boksshyǵa aiyp taǵý durys emes dep sanaidy. Jarasbaevtyń aitýynsha, qajet bolǵan jaǵdaida Ministrlik Jánibekke qoldaý kórsetip, halyqaralyq deńgeidegi sarapshylardy da tartýy múmkin.
