Jandarbek Bekshin: «Betperde rejimin saqtap, ony jii aýystyrý qajet»
Jandarbek Bekshinniń aitýynsha, ótken táýlikte Almatyda qaýipti indetti juqtyrǵan 638 jańa jaǵdai tirkeldi. Bul – biylǵy jazdaǵy antirekord. Maýsym aiynyń sońǵy kúnderi aýrýǵa shaldyqqan 600 jaǵdai anyqtaldy. Bul koronavirýstyń «úndi» shtammynyń taralýymen bailanysty.
– Jyl basynan beri qalada koronavirýs infektsiiasyn juqtyrǵan 60 myńnan astam jaǵdai tirkeldi. Shilde aiynyń basynan beri 4 610 adam qaýipti indetke shaldyqqan. Al ótken aptada 3 085 jaǵdai tirkeldi. Aldyńǵy aptamen salystyrǵanda 1,4 ese artyq, – dedi Almatynyń Bas sanitarlyq dárigeri.
Jandarbek Bekshin jańa «delta» nusqasy asa juqpaly jáne onyń klinikalyq sipaty aýyr ekenin aitty.
– Ózderińiz biletindei kezekti zertteýlerde «delta» koronavirýsynyń ainalymdaǵy nusqalary 78-80% basym dárejede, «alfa» («britandyq») 16%, SOVID-19 («Ýhan») 3% quraidy.
Ótken 7 kúnde «simptomdyq» naýqastardyń úles salmaǵy 2 esege, iaǵni 53%-dan 88%-ǵa deiin ósken. «Simptomdardyń úlesiniń artýy aýyr klinikalyq kórinisterdi týdyratyn «delta» patogendik nusqasynyń taralýymen bailanysty.
Jandarbek Bekshin Almatydaǵy epidemiologiialyq ahýalǵa júrgizilgen monitoring qorytyndylary týraly aitty. Taldaý nátijesinde, sońǵy eki aptada balalar men jastar virýs juqtyrǵan. 14 jasqa deiingi balalardyń 13%-y infektsiia juqtyrýǵa beiim.
– Eń úlken alańdaýshylyq 20 jastan 40 jasqa deiingi azamattar arasynda syrqattanýshylyqtyń ósýi 3,4%-ǵa ulǵaiyp, osy jyly eń joǵary deńgeige jetti (39%). Sondai-aq, 40 pen 59 jas aralyǵynda 25% deńgeidi quraidy. Iaǵni árbir 4-shi juqtyrǵan adam, – dedi Jandarbek Bekshin.
Osy derektermen qatar, 60 jastan asqan adamdar arasynda juqtyrýdyń úles salmaǵy olardyń immýndaý jáne ekpe alý nátijesinde 1,6%-ǵa tómendegeni baiqalady.
Almatynyń bas sanitarlyq dárigeri koronavirýstyń jańa shtammynyń tez taralatynyn ári qala turǵyndarynyń densaýlyǵy úshin qaýipti ekenin eskertti. Jandarbek Bekshin betperde rejimin saqtaýdy ári ony jii aýystyrý qajet ekendigin eskertti.
