Búginde avtoóndirýshiler janarmaıdy az jumsaıtyn kólikti qurastyrýǵa kúsh salyp kele jatqany belgili. Osy rette Zero Pollution Motors kompanıasynyń ınjeneri Gaı Negre sýyq aýa qysymymen júretin kóliktiń jańa túrin oılap tapty.

Sýyq aýanyń qysymymen júretin AIRPod dep atalatyn kólikterin ónertapqysh aldaǵy ýaqytta AQSH aýmaǵynda kóptep shyǵaryp, saýdalaýǵa ruqsat alǵanyn aıta ketýimiz kerek. Benzındi qajet etpeıtin kóliktiń óndirisi jolǵa qoıylsa, onyń baǵasy 10 myń dollardan aspaıdy dep boljanýda. AIRPod-tyń salmaǵy 275 keli, tas jolda saǵatyna 80 shaqyrym jyldamdyqpen júıtkıtin múmkindikke ıe. Bir ret toltyrylǵan aýa qysymymen 130 shaqyrym qashyqtyqty eńserýge bolady. Sýyq aýa qysym qozǵaltqyshtyń sılındrli porshenderinde qyzyp, atmosfera qysymyn 300 esege arttyryp, kóliktiń júrýine múmkindik týǵyzady. Kólikti sýyq aýa qysymymen bar bolǵany 3 mınýttyń ishinde qýattandyrýǵa bolady. Alǵashqy kólikter bıyl AQSH-ta saýdalana bastaıdy dep kútilýde.