جانارمايسىز جٷرەتٸن كٶلٸك
سۋىق اۋانىڭ قىسىمىمەن جٷرەتٸن AIRPod دەپ اتالاتىن كٶلٸكتەرٸن ٶنەرتاپقىش الداعى ۋاقىتتا اقش اۋماعىندا كٶپتەپ شىعارىپ, ساۋدالاۋعا رۇقسات العانىن ايتا كەتۋٸمٸز كەرەك. بەنزيندٸ قاجەت ەتپەيتٸن كٶلٸكتٸڭ ٶندٸرٸسٸ جولعا قويىلسا, ونىڭ باعاسى 10 مىڭ دوللاردان اسپايدى دەپ بولجانۋدا. AIRPod-تىڭ سالماعى 275 كەلٸ, تاس جولدا ساعاتىنا 80 شاقىرىم جىلدامدىقپەن جٷيتكيتٸن مٷمكٸندٸككە يە. بٸر رەت تولتىرىلعان اۋا قىسىمىمەن 130 شاقىرىم قاشىقتىقتى ەڭسەرۋگە بولادى. سۋىق اۋا قىسىم قوزعالتقىشتىڭ تسيليندرلٸ پورشەندەرٸندە قىزىپ, اتموسفەرا قىسىمىن 300 ەسەگە ارتتىرىپ, كٶلٸكتٸڭ جٷرۋٸنە مٷمكٸندٸك تۋعىزادى. كٶلٸكتٸ سۋىق اۋا قىسىمىمەن بار بولعانى 3 مينۋتتىڭ ٸشٸندە قۋاتتاندىرۋعا بولادى. العاشقى كٶلٸكتەر بيىل اقش-تا ساۋدالانا باستايدى دەپ كٷتٸلۋدە.
