Mańǵystaý oblystyq mádeniet, tilderdi damytý jáne arhiv isi basqarmasynyń basshysy Pániia Sarmýrzinanyń aitýynsha «Munaishy» mádeniet úiiniń janynan qurylǵan ujym jas mamandarmen qamtylǵan.
– Teatrdyń baǵasyn eń birinshi beretin kim, ol kórermen. Qazirgi ýaqytta, N.Jantórin teatryndaǵy qai qoiylymnyń da óz kórermeni bar. Osy aptada shyǵarylǵan qoiylymdy, kelesi aptada suraýshylar óte kóp. Biz ony maqtanysh etemiz. 2004 jyly alǵash ret qurylǵan oblystaǵy N.Jantórin atyndaǵy mýzykalyq-drama teatry da osylai óz bastaýyn alyp, jumys bastaǵan edi. Búginde respýblika boiynsha aldyńǵy qatarda. Mine, jańadan qurylǵan bul teatrdyń jumysyna sáttilik tilep, jańa deńgeiden boi kórsetedi degen senimdemiz, – dedi Pániia Sarmýrzina.
Aldaǵy ýaqytta jas ártister óner akademiiasynyń bilikti mamandarmen ózara tájiribe almasady. Óner ujymy óskeleń urpaqqa rýhani qundylyqtardy dáriptep otandyq jáne álemdik qoiylymdardy sahnalaýǵa, mádeni-estetikalyq álemniń, tanym-taǵylymyn, shyǵarmashylyq áleýetin jetildirýge kúsh salmaq.
