Bólim basshysynyń aıtýynsha, Jańaózen qalasynda 52 eski úı bar. 2020 jyly «Samuryq-Qazyna Trans» áleýmettik jobalardy damytý qorynyń qoldaýymen 27 turǵyn úıge jobalyq smetalyq qujattama daıyndalǵan-dy.
Qazirgi tańda úsh úı̆ge kúrdeli jóndeý jumystary júrgizilýde. Jobalyq smetalyq qujatta kórsetilgen negizgi jumystar – jertólelerde ornalasqan ishki ınjenerlik komýnıkasıalyq ınfraqurylymdar jańartý, turǵyn úılerdiń qasbetterin jóndeý jáne kolonnalardy, shatyrdy, baspaldaqtardy jańartý bolyp tabylady. Jospar boıynsha, atalǵan jumystar mamyr aıynyń sońyna deıin aıaqtalýy tıis.
– Keıbir kóppáterli turǵyn úılerdiń turǵyndary úıge kúrdeli jóndeý jasaý máselesin birjaqty ákimdiktiń mindeti dep túsinedi. Zańnamaǵa saı, ákimdik turǵyn úı qorynyń saqtalýyna baǵyttalǵan is-sharalardy júrgizýge jaýapty. Alaıda negizgi jaýapkershilik sol turǵyndardyń ózinde, – dedi Súıindik Muhammedov.
Aıta keteıik, Jańaózen qalasy «Shańyraq» shaǵyn aýdanyndaǵy №19 kópqabatty turǵyn úılerdiń 70%-y, «Shuǵyla» shaǵyn aýdanyndaǵy №5, 6 úılerdi jóndeý jumystarynyń 40%-y aıaqtaldy.
Mańǵystaý oblysynyń qoǵamdyq komýnıkasıa ortalyǵy
