Bir jobany «ÓzenQoıma» JSHS júzege asyrdy. Atalǵan mekemede eski sorǵy shtangalarynan qurylysqa arnalǵan armatýra óndiredi. Kásiporynnyń jyldyq qýaty 2400 tonna. Aıyna 260 tonna armatýra óndiretin múmkindigi bar bul kásiporyn kerekti shıkizatty «Ózenmunaıgazdan» alady.
– Osydan jarty jyl buryn «Ózenmunaıgaz» kompanıasynan paıdalanýdan shyqqan shtangilerinen armatýra jasaýdyń jobasyn usynǵan bolatynbyz. Sol joba qalalyq ákimdik pen «Ózenmunaıgaz» AQ tarapynan qoldaý tapty, – dedi óndiris oshaǵynyń basshylary.
Aldaǵy ýaqytta kásiporynǵa Jumyspen qamtý ortalyǵy arqyly 20 adam jumysqa ornalasady dep josparlanýda.
İske qosylǵan ekinshi kásiporyn «Silkway Trading» JSHS-ne tıesili. Bul sehta qara jáne tústi metal synyqtaryn qaıta óńdeıdi. Sondaı-aq, temirbeton konstrýksıalaryna arnalǵan daıyn metal buıymdaryn daıyndaý, ystyqtaı bolat armatýra jáne bolttar men gaıkalar daıyndaý kiredi. Sehtyń jylyna 3500 tonna bolat armatýra shyǵarýǵa múmkindigi bar. 25-ke jýyq adam jumyspen qamtylatyn bolady.
