Jańaózen turǵyndary jappai narazylyqqa shyqty
"Keshe, 1 qańtarda gaz baǵasy 120 teńgege deiin qymbattady. Jańaózen turǵyndaryn gaz baǵasyn 60 teńgege deiin tómendetý týraly úndeýge qosylýǵa shaqyramyn", - dep jazdy Facebook-te mitingke qatysýshylardyń biri Serik Baqtybaiuly.
Sondai-aq, ol oqiǵa ornynan tikelei efirge shyqty.
Mitingke shyqqandardyń bir bóligi avtokólikke arnalǵan joldy jaýyp, kólik júretin jerge shyqty. Mańǵystaý oblysy ákimdigi ishki saiasat basqarmasynyń qyzmetkeri jaǵdaiǵa qatysty pikir bildirdi.
"Saǵat 11.00-de Jańaózendegi AHAJ ǵimaraty mańynda gaz baǵasyn tómendetý máselesi boiynsha avtokólik ieleri jinaldy. Qala ákimi mindetin atqarýshy Ǵalym Baijanov, qala ákiminiń orynbasary Jańabai Aimaǵambetov jáne quqyq qorǵaý organdary ókilderi olarǵa túsindirý jumystaryn júrgizdi. Jinalǵandarǵa gaz boiynsha istiń mán-jaiy jáne "Beibit jinalystardy uiymdastyrý týraly" zań túsindirildi. Olarǵa bul is-áreketteri zańsyz ekeni, óitkeni ákimdikke miting ótkizilgenge deiin 5 kún buryn habarlaý qajet ekeni aityldy", - dep málimdedi basqarma ókili.
Qala ákimdigi ókilderi jinalǵandarǵa óz talaptaryn jazbasha túrde baiandaýdy usyndy. Basqarma málimetinshe, túsindirý jumystary jalǵasyp jatyr.
[video width="234" height="426" mp4="https://dalanews.kz/wp-content/uploads/2022/01/270363607_880663485928845_1799607420032556181_n.mp4"][/video]
Mańǵystaý oblysy energetika jáne turǵyn úi-kommýnaldyq sharýashylyq basqarmasynyń basshysy Berdibek Qartbaev gaz qymbattaýyna qatysty pikir bildirip, respýblika boiynsha gazdyń ortasha baǵasy litrine 110 teńge, kórshiles Atyraý oblysynda 115 teńge, Oralda 120 teńge ekenin málimdedi.
"Qazir oblys boiynsha sońǵy tutynýshyǵa deiin gaz baǵasy 95-ten 115 teńgege deiin ózgerip tur. 60 teńge mólsherindegi burynǵy baǵa endi bolmaidy, óitkeni qazir birjadaǵy gaz baǵasy - tasymaldaý men kásipkerdiń shyǵyndaryn esepke almaǵanda, litrine 70-85 teńge. Ákimdik gaz baǵasyn rettemeidi, óitkeni bul taýar básekelestik naryqqa jatady", - dep túsindirdi ol.
https://youtu.be/OwGDRiFKUII
