"كەشە، 1 قاڭتاردا گاز باعاسى 120 تەڭگەگە دەيىن قىمباتتادى. جاڭاوزەن تۇرعىندارىن گاز باعاسىن 60 تەڭگەگە دەيىن تومەندەتۋ تۋرالى ۇندەۋگە قوسىلۋعا شاقىرامىن"، - دەپ جازدى Facebook-تە ميتينگكە قاتىسۋشىلاردىڭ ءبىرى سەرىك باقتىباي ۇلى.
سونداي-اق، ول وقيعا ورنىنان تىكەلەي ەفيرگە شىقتى.
ميتينگكە شىققانداردىڭ ءبىر بولىگى اۆتوكولىككە ارنالعان جولدى جاۋىپ، كولىك جۇرەتىن جەرگە شىقتى. ماڭعىستاۋ وبلىسى اكىمدىگى ىشكى ساياسات باسقارماسىنىڭ قىزمەتكەرى جاعدايعا قاتىستى پىكىر ءبىلدىردى.
"ساعات 11.00-دە جاڭاوزەندەگى احاج عيماراتى ماڭىندا گاز باعاسىن تومەندەتۋ ماسەلەسى بويىنشا اۆتوكولىك يەلەرى جينالدى. قالا اكىمى مىندەتىن اتقارۋشى عالىم بايجانوۆ، قالا اكىمىنىڭ ورىنباسارى جاڭاباي ايماعامبەتوۆ جانە قۇقىق قورعاۋ ورگاندارى وكىلدەرى ولارعا ءتۇسىندىرۋ جۇمىستارىن جۇرگىزدى. جينالعاندارعا گاز بويىنشا ءىستىڭ ءمان-جايى جانە "بەيبىت جينالىستاردى ۇيىمداستىرۋ تۋرالى" زاڭ ءتۇسىندىرىلدى. ولارعا بۇل ىس-ارەكەتتەرى زاڭسىز ەكەنى، ويتكەنى اكىمدىككە ميتينگ وتكىزىلگەنگە دەيىن 5 كۇن بۇرىن حابارلاۋ قاجەت ەكەنى ايتىلدى"، - دەپ مالىمدەدى باسقارما وكىلى.
قالا اكىمدىگى وكىلدەرى جينالعاندارعا ءوز تالاپتارىن جازباشا تۇردە بايانداۋدى ۇسىندى. باسقارما مالىمەتىنشە، ءتۇسىندىرۋ جۇمىستارى جالعاسىپ جاتىر.
[video width="234" height="426" mp4="https://dalanews.kz/wp-content/uploads/2022/01/270363607_880663485928845_1799607420032556181_n.mp4"][/video]
ماڭعىستاۋ وبلىسى ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى بەردىبەك قارتبايەۆ گاز قىمباتتاۋىنا قاتىستى پىكىر ءبىلدىرىپ، رەسپۋبليكا بويىنشا گازدىڭ ورتاشا باعاسى ليترىنە 110 تەڭگە، كورشىلەس اتىراۋ وبلىسىندا 115 تەڭگە، ورالدا 120 تەڭگە ەكەنىن مالىمدەدى.
"ءقازىر وبلىس بويىنشا سوڭعى تۇتىنۋشىعا دەيىن گاز باعاسى 95-تەن 115 تەڭگەگە دەيىن وزگەرىپ تۇر. 60 تەڭگە مولشەرىندەگى بۇرىنعى باعا ەندى بولمايدى، ويتكەنى ءقازىر بيرجاداعى گاز باعاسى - تاسىمالداۋ مەن كاسىپكەردىڭ شىعىندارىن ەسەپكە الماعاندا، ليترىنە 70-85 تەڭگە. اكىمدىك گاز باعاسىن رەتتەمەيدى، ويتكەنى بۇل تاۋار باسەكەلەستىك نارىققا جاتادى"، - دەپ ءتۇسىندىردى ول.
https://youtu.be/OwGDRiFKUII
