پرەزيدەنت دٷنيەجٷزٸلٸك بانكتٸڭ باعالاۋىنشا, جوسپارلانعان ينفراقۇرىلىمدىق مٸندەتتەر تولىق جٷزەگە اسىرىلسا, 2040 جىلعا قاراي كاسپيي ارقىلى جٷك تاسىمالى تٶرت ەسە ۇلعاياتىنىن ايتتى, دەپ حابارلايدى dalanews.kz.
– ورتا دەلٸزدٸ TRIPP كٶلٸك باستاماسىمەن ۇشتاستىرۋ مەسەلەسٸن ساراپشىلار دەڭگەيٸندە تالقىلاۋعا بولادى دەپ ويلايمىن. بۇل جوبا ەلەۋەتٸمٸزدٸ ارتتىرادى ەرٸ بارلىق مەملەكەتتٸڭ ۇزاقمەرزٸمدٸ مٷددەسٸنە ساي كەلەدٸ, – دەدٸ قاسىم-جومارت توقاەۆ.
پرەزيدەنتتٸڭ پٸكٸرٸنشە, سۋ پروبلەماتيكاسى – ورتالىق ازييا تۇراقتىلىعىنا قاتەر تٶندٸرەتٸن باستى سىناقتاردىڭ بٸرٸ.
– الدىمىزدا ترانسشەكارالىق سۋ رەسۋرستارىن باسقارۋدىڭ تىڭ تەسٸلدەرٸن ەزٸرلەۋ مٸندەتٸ تۇر. بۇل جۇمىستا ٶزارا قۇرمەت, تەڭقۇقىلىق قاعيداتتارى نەگٸزگە الىنىپ, ايماقتاعى بارلىق ەلدٸڭ مٷددەسٸ ەسكەرٸلۋٸ كەرەك. ورتالىق ازييانىڭ سۋ پايدالانۋ بويىنشا نەگٸزدەمەلٸك كونۆەنتسيياسىن قابىلداۋ ىنتىماقتاستىقتىڭ جاڭا ٶڭٸرلٸك ارحيتەكتۋراسىن قالىپتاستىراتىن العاشقى قادام بولار ەدٸ. قۇجات جوباسى تاراپتاردىڭ قاراۋىنا ۇسىنىلدى. بۇۇ اياسىندا حالىقارالىق سۋ ۇيىمىن قۇرۋ باستاماسى ٶتە ٶزەكتٸ. ونى حالىقارالىق, اتاپ ايتقاندا, ورتالىق ازييانىڭ ورتاق ۇستانىمى رەتٸندە بٸرگە ٸلگەرٸلەتۋ سۋ رەسۋرستارىن باسقارۋدىڭ جاھاندىق جٷيەسٸنە قوسقان ٷلەسٸمٸز بولماق, – دەدٸ پرەزيدەنت.
