Prezident Dúniejúzilik banktiń baǵalaýynsha, josparlanǵan infraqurylymdyq mindetter tolyq júzege asyrylsa, 2040 jylǵa qarai Kaspii arqyly júk tasymaly tórt ese ulǵaiatynyn aitty, dep habarlaidy dalanews.kz.
– Orta dálizdi TRIPP kólik bastamasymen ushtastyrý máselesin sarapshylar deńgeiinde talqylaýǵa bolady dep oilaimyn. Bul joba áleýetimizdi arttyrady ári barlyq memlekettiń uzaqmerzimdi múddesine sai keledi, – dedi Qasym-Jomart Toqaev.
Prezidenttiń pikirinshe, sý problematikasy – Ortalyq Aziia turaqtylyǵyna qater tóndiretin basty synaqtardyń biri.
– Aldymyzda transshekaralyq sý resýrstaryn basqarýdyń tyń tásilderin ázirleý mindeti tur. Bul jumysta ózara qurmet, teńquqylyq qaǵidattary negizge alynyp, aimaqtaǵy barlyq eldiń múddesi eskerilýi kerek. Ortalyq Aziianyń sý paidalaný boiynsha negizdemelik konventsiiasyn qabyldaý yntymaqtastyqtyń jańa óńirlik arhitektýrasyn qalyptastyratyn alǵashqy qadam bolar edi. Qujat jobasy taraptardyń qaraýyna usynyldy. BUU aiasynda Halyqaralyq sý uiymyn qurý bastamasy óte ózekti. Ony halyqaralyq, atap aitqanda, Ortalyq Aziianyń ortaq ustanymy retinde birge ilgeriletý sý resýrstaryn basqarýdyń jahandyq júiesine qosqan úlesimiz bolmaq, – dedi Prezident.
