قازاقستاننىڭ قارجى نارىعىنا قاتىسۋشىلار دوللار باعامى مەن ينفلياتسييا بويىنشا بولجامىن جاقسارتىپ, بازالىق مٶلشەرلەمەنٸڭ 16%-عا دەيٸن تٶمەندەۋٸن كٷتەدٸ, دەپ حابارلايدى dalanews.kz.
قازاقستان قارجىگەرلەرٸ قاۋىمداستىعىنىڭ اناليتيكالىق ورتالىعى قازان ايىنداعى كەسٸبي نارىق قاتىسۋشىلارى اراسىندا جٷرگٸزٸلگەن ساۋالنامانىڭ نەتيجەسٸن جارييالادى. زەرتتەۋگە بانكتەردٸڭ, ساقتاندىرۋ جەنە بروكەرلٸك ۇيىمداردىڭ ٶكٸلدەرٸ, سونداي-اق تالداۋ جەنە قازىناشىلىق بٶلٸمدەرٸنٸڭ ماماندارى قاتىستى.
ساۋالناماعا قاتىسقان ساراپشىلاردىڭ 85%-ى ۇلتتىق بانكتٸڭ 23 قازانداعى وتىرىسىندا بازالىق مٶلشەرلەمە تٶمەندەيدٸ دەپ كٷتەدٸ. ولاردىڭ بولجامىنشا, مٶلشەرلەمە 15,75–16% دەڭگەيٸنە دەيٸن تٷسۋٸ مٷمكٸن.
مٶلشەرلەمەنٸڭ تٶمەندەۋٸن كٷتەتٸن ساراپشىلاردىڭ 71%-ى ونىڭ 0,25 پايىزدىق تارماققا تٶمەندەپ, 16%-عا دەيٸن تٷسۋٸن بولجاپ وتىر. قالعاندارى اقشا-نەسيە ساياساتىنىڭ ودان دا ايتارلىقتاي جۇمسارۋى مٷمكٸن دەپ سانايدى.
ال 12 ايدان كەيٸن بازالىق مٶلشەرلەمە 14,5% دەڭگەيٸندە بولادى دەگەن بولجام جاسالدى. الايدا ونىڭ ودان ەرٸ تٶمەندەۋٸنە ينفلياتسييالىق كٷتۋلەردٸڭ جوعارى بولۋى, بيۋدجەتتٸك ىنتالاندىرۋ, تاريفتٸك رەفورمالار جەنە سىرتقى باعا فاكتورلارى ەسەر ەتۋٸ مٷمكٸن.
ساراپشىلاردىڭ بٸر جىلعا ارنالعان ينفلياتسييا بولجامى دا تٶمەندەدٸ. قىركٷيەكتەگٸ 10,4%-دان قازاندا 9,7%-عا دەيٸن قايتا قارالدى. بۇل كٶرسەتكٸش قازٸرگٸ ينفلياتسييا دەڭگەيٸن ەمەس, الداعى 12 ايداعى باعانىڭ ٶسۋٸنە قاتىستى كٷتۋدٸ بٸلدٸرەدٸ.
دوللار باعامىنا قاتىستى بولجام دا جاقسارعان. ساراپشىلار قاراشانىڭ باسىندا اقش ۆاليۋتاسى 456,5 تەڭگە بولادى دەپ كٷتەدٸ. بۇعان دەيٸنگٸ ساۋالنامادا بۇل كٶرسەتكٸش 474,2 تەڭگە بولعان.
بٸر جىلدىق بولجام بويىنشا دا دوللار باعامى تٶمەندەتٸلدٸ. قىركٷيەكتە ساراپشىلار 511,6 تەڭگە دەپ بولجاسا, قازاندا 502,6 تەڭگە دەڭگەيٸن كٷتەتٸنٸن ايتتى. دەگەنمەن بۇل كٶرسەتكٸش 500 تەڭگەدەن جوعارى بولىپ قالىپ وتىر.
نارىق قاتىسۋشىلارى تەڭگەنٸ قولدايتىن فاكتورلاردىڭ قاتارىندا تەڭگەدەگٸ اكتيۆتەردٸڭ جوعارى ناقتى كٸرٸستٸلٸگٸن, قازاقستاننىڭ تەۋەلسٸز كرەديتتٸك رەيتينگٸسٸنٸڭ كٶتەرٸلۋٸن, ۇلتتىق بانكتٸڭ ۆاليۋتالىق وپەراتسييالارى اياسىنداعى شەتەل ۆاليۋتاسىن ساتۋدى جەنە بەيرەزيدەنتتەردٸڭ مەملەكەتتٸك باعالى قاعازدارعا قاراجاتىنىڭ كەلۋٸن اتاعان.
سونىمەن قاتار ساراپشىلار الداعى بٸر جىلدا Brent ماركالى مۇناي باعاسى بويىنشا بولجامىن 83,7 دوللاردان 79 دوللارعا دەيٸن تٶمەندەتتٸ. بۇل مۇناي ۇسىنىسىنىڭ ارتۋى مٷمكٸندٸگٸمەن بايلانىستى.
مۇناي باعاسىنا قاتىستى بولجام تٶمەندەگەنٸمەن, قازاقستان ەكونوميكاسىنىڭ ٶسۋٸنە قاتىستى كٷتۋلەر ٶزگەرگەن جوق. ساراپشىلار 2026 جىلى ەكونوميكالىق ٶسٸم 4,4% بولادى دەپ وتىر.
ولاردىڭ باعالاۋىنشا, ەكونوميكالىق ٶسٸمدٸ قارجىلىق جاعدايدىڭ بٸرتٸندەپ جۇمسارۋى, بيۋدجەت شىعىستارى جەنە ٸرٸ ينۆەستيتسييالىق جوبالار قولداۋى مٷمكٸن.
ساۋالناما نەتيجەلەرٸ قارجى نارىعىنىڭ تەۋەلسٸز كەسٸبي قاتىسۋشىلارىنىڭ پٸكٸرٸن كٶرسەتەدٸ. بۇل ۇلتتىق بانكتٸڭ رەسمي بولجامى نەمەسە ساۋالناماعا قاتىسقان ۇيىمداردىڭ رەسمي پوزيتسيياسى ەمەس.
