Bloger Erbolat Janábilovterge qatysty qylmystyq is qozǵalady, dep habarlaıdy Dalanews.kz.

Qarjy monıtorıńi agenttigi tóraǵasynyń orynbasary Jeńis Elemesovtiń aıtýynsha, Erbolat Janábilov pen onyń jary Elmıra Tólegenovaǵa qatysty sot sheshimi 15 qyrkúıekte shyqqan. Úkim olarǵa tabystalǵannan keıin 10 kún ótken soń zańdy kúshine enedi. Materıaldar agenttikke túsken boıda qylmystyq is qozǵalyp, oǵan quqyqtyq baǵa beriledi.

Sonymen qatar taǵy bir bloger – Nurtaza Nurbek (Justking laqap atymen tanymal) ákimshilik is boıynsha aıyppul arqalady. Ol Almatyda úı utysyn uıymdastyrǵan. Elemesovtiń aıtýynsha, endi onyń resmı tabysy bolǵan-bolmaǵany jáne salyq tólegen-tólemegeni tekseriledi.

Daýdyń tarıhy

Janábilovter buǵan deıin Instagram paraqshasynda 11 kólikti utysqa tigetinin jarıalaǵan edi. Sharttary da qarapaıym kóringen, jazbany repost jasaý jetkilikti bolatyn. Alaıda 21 tamyzda jurt kútken tikeleı efırdiń ornyna oqyrmandarǵa quny 30 myń teńge turatyn Zhana Business aqyly kýrsynyń siltemesi usynylǵan. Sóıtip konkýrsqa tek kýrsty satyp alǵandar qatysa alatyny belgili bolǵan.

Bul jaǵdaı áleýmettik jeli qoldanýshylary arasynda úlken narazylyq týdyrdy. Aqyry shýǵa aınalǵan másele sotqa deıin jetti.