Bul sharýalar Shymkent qalasy respýblikalyq statýs alýyna jáne Túrkistan oblysynyń qurylýyna bailanysty atqarylyp otyr. Bul týraly búgin Jolaýshylar kóligi jáne avtomobil joldary basqarmasynyń basshysy Nurlan Baiǵut Óńirlik kommýnikatsiialar qazmetinde ótken baspasóz jiynda málimdedi.
Onyń sózinshe, jalpy oblysta 2018 jyldyń 6 aiynda 577,6 mln. jolaýshy tasymaldanǵan. Bul kórsetkish ótken jyldyń osy kezeńimen salystyrǵanda 1,6%-ǵa joǵary.
Qazirgi ýaqytta, Túrkistan qalasynan 5 aýdan ortalyǵyna Kentaý, Arys, Sháýildir, Sholaqqorǵan, Myrzakent tikelei turaqty jolaýshylar tasymaly oryndalýda. Aldaǵy ýaqytta oblystaǵy qalǵan aýdan ortalyqtaryna, atap aitqanda Shardara, Jetisai, Saryaǵash, Lengir qalalaryna jáne Abai, Qazyǵurt, Temirlan, Aqsýkent, T.Rysqulov jáne Shaian Túrkistan qalasynan tikelei turaqty baǵyttar ashý josparlanyp otyr.
Aita keteiik, basqarmaǵa tikelei qarasty aýdanaralyq, oblysaralyq turaqty baǵyttarǵa qyzmet kórsetetin qoǵamdyq kólikter GPS júiesimen jabdyqtalǵan. Elbasynyń Jarlyǵyna sáikes, Túrkistan qalasy oblys ortalyǵy bolýyna bailanysty, qalanyń kólik júiesin jan-jaqty damytý maqsatynda, qaladaǵy baǵyttarǵa elektrondy bilet júiesin 2018 jyldyń sońyna deiin ornatý josparlanýda. Pilottyq joba retinde Túrkistan qalasyndaǵy bir baǵytqa elektrondy bilet júiesin 2018 jyldyń III toqsanyna deiin testileý josparlandy.
Túrkistan oblysy ákiminiń baspasóz qyzmeti
