Májilis depýtaty Ashat Aimaǵambetov jańa Salyq kodeksine áleýmettik sala boiynsha qandai túzetýler berilgenin aitty, - habarlaidy Dalanews.kz.
Salyq kodeksiniń jobasyn qaraý barysynda depýtattar bilim, ǵylym, mádeniet, sport jáne densaýlyq saqtaý salalaryn qoldaý jáne osy baǵyttarda qymbatshylyqqa jol bermeý maqsatynda birqatar túzetý bergen.
Depýtattyń sózinshe, usynylǵan negizgi ózgerister mynalar:
- Mádeniet, tarihi-mádeni mura jáne arnaiy áleýmettik qyzmetter salasyndaǵy uiymdardy KTS-ten tolyq bosatý;
- Otandyq kitap basylymdary men animatsiia indýstriiasyn QQS-tan bosatý;
- Bilim, ǵylym, sport jáne densaýlyq saqtaý uiymdary úshin korporativtik tabys salyǵyn 5%-ǵa deiin tómendetý;
- Qaterli isik, orfandyq, psihikalyq, júrek-qan tamyrlary, búirek, aýtoimmýndy, diabet jáne basqa da kúrdeli aýrýlardy emdeýge baǵyttalǵan meditsinalyq qyzmetterdi QQS-ten bosatý; al qalǵan baǵyttar boiynsha da QQS-ti qazirgi deńgeidegidei 0% kúiinde saqtaý nemese kompromiss retinde 5%-ǵa deiin azaitý;
- Bul aýrýlardy emdeýge arnalǵan dárilik zattardy QQS-ten bosatý, al basqa baǵyttar boiynsha da 0%, bolmasa kompromiss retinde 5%-ǵa deiin azaitý;
- Ádebi, kórkem jáne ǵylymi shyǵarmalar úshin avtorlyq alymdarǵa salyq jeńildikterin berý.
- Qarjylyq qyzmetterge (banktik aýdarymdar, zeinetaqy qorlarynyń qyzmeti, tólem kartalary boiynsha operatsiialar) QQS salynbaýy, iaǵni bul salanyń qymbattaýyna jol bermeý;
- Býkmekerlik keńselerge, kazinolarǵa salyqty aitarlyqtai kóbeitý;
- Quramynda transmailar men energetikalyq sýsyndar bar ónimderge aktsiz;
- Kóptegen monopoliialarǵa arnalǵan salyqtyq jeńildikterdi joiý;
- Saiajailarǵa salynatyn salyq mólsherin tómendetý;
"Bul túzetýlerimiz áli de jumys tobynyń otyrystarynda talqylanyp jatyr. Naqty sheshimder áli qabyldanbady", - dedi ol.
