"Prezidenttiń parlamenttegi sońǵy sózi halyqqa jeńildik sezimin syilady. Endi parlament pen úkimet onyń barlyq úndeýin tez arada dál ári tolyǵymen oryndaýy kerek. Eń aldymen Tuńǵysh Prezidenttiń Qazaqstan halqy Assambleiasy men Qaýipsizdik keńesindegi ómiriniń sońyna deiingi tóraǵalyǵyn alyp tastaý qajet bolǵan jáne búgin ol oryndaldy. Prezident Májilistiń bul tarihi sheshim qabyldaýyna qatysty", - dedi Qanat Nurov.
Depýtattyń sózinshe, "Qazaqstannyń Tuńǵysh Prezidenti – Elbasy jaily", "Qazaqstan halqy Assambleiasy jaily" jáne "Qaýipsizdik keńesi jaily" Konstitýtsiialyq zańdarǵa engiziletin ózgerister Senatqa joldanǵan.
Sonymen qatar ol Qazaqstandaǵy ekonomikalyq monopoliiany joiyp, paidaly qazbalar eksportyna bailanysty qarjy-valiýta aǵymyn retteý kerek ekenin aitty.
"Bizge barynsha kóp adamnyń múlkin tartyp alýǵa emes, ekonomika men saiasatty retteýge tyrysý kerek. Eger bireý bir nárseni urlap ketse, munymen sot shuǵyldansyn. Basshylyqta otyrǵandar ádil ári qoǵam baqylaýynda bolý kerek. Sonymen qatar bizge ýaqytynda toqtap úirený qajet", - dep qosty ol.
Qanat Nurov tulǵalar arasynda zańdyq tepe-teńdik keregin málimdedi. Úkimet sot aldynda ár jeke azamatpen teń quqyly bolýy kerek dep esepteidi ol.
"Bizge áleýmettik teńdik kerek emes. Biz muny ótip ketkenbiz. Bailyqpen emes, kedeilikpen kúreseiik. Qarapaiym adam bai adamǵa qyzyǵa qaramaityndai bolýy qajet. Emin-erkin jumystan shyǵyp, basqa jerge aýysyp nemese járdemaqyǵa kún kóre alýy qajet. Otbasyn asyraý úshin esersoqtar men ózge adamdardyń buiryǵyn oryndamaýy kerek”, – dep qosty ol.
Prezident quqyq qorǵaý organdaryn ár tutqynnyń qaýipsizdigin qamtamasyz etýge shaqyrǵan edi. Qanat Nurov el basshysynyń bul úndeýin qoldaitynyn aitty.
"Biz ózimizdiń eldigimizdiń qaýipsizdigin osy úshin qorǵadyq. Munda jeńgender joq, eshkim eshteńeni joǵaltpaýy kerek. Konstitýtsiialyq quqyqty qorǵaý osyndai qiyn kezeńde jalpyǵa ortaq jalǵyz qundylyq bolyp otyr. Bul sáýleni óshirip almaýymyz qajet", - dep jazdy ol óz Facebook paraqshasynda.
