Almaty oblysy, Alataý qalasy, Eńbek yqshamaýdanynda «Jaily mektep» jobasy aiasynda salynyp jatqan mektep qoldanysqa berildi, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Z qabatty mektep 600 orynǵa shaqtalǵan. Ashylý saltanatyna Almaty oblysy ákiminiń birinshi orynbasary, oblystyń qurmetti azamattary, ardager ustazdar men aýyl turǵyndary qatysty.
Qazaqstan Respýblikasynyń Prezidenti Qasym-Jomart Kemeluly Toqaev Qazaqstan halqyna Joldaýynda bilim berý júiesin odan ári damytý jáne muǵalimderdi qoldaý máselelerine erekshe kóńil bólý qajettigin atap ótken bolatyn. Memleket basshysy úsh aýysymdy jáne apatty mektepterdiń tapshylyǵyn sheshý úshin «Jaily mektep» ulttyq jobasyn qabyldaýdy tapsyrdy.
Almaty oblysy ákiminiń birinshi orynbasary Nurlan Erǵaliuly Ábdirahymnyń málimetinshe, oblystaǵy bilim salasynyń basty problemasy – úshaýysymdy oqytý men oryn tapshylyǵy ekeni belgili.
«Sondyqtan máseleni sheshý maqsatynda 2024 jyly oblysta «Jaily mektep» jobasy aiasynda 26, jeke investor arqyly 4 jáne jergilikti biýdjet esebinen 2 mektep qoldanysqa berý josparlanǵan», — dep atap ótti ol.
Sonymen qatar, mektep qurylysyn júrgizgen merdiger Baýyrjan Serjanuly, qurylys jumystarynyń basshysy Sailaý Ǵalymjan Nietbekuly jáne joba jetekshisi Narkesh Ernar Jasulanuly Almaty oblysynyń ákimi Marat Eleýsizuly Sultanǵazievtiń atynan Alǵys hatpen marapattaldy.
«Sizge qajyrly eńbek jolyńyzda belsendi qyzmet pen qoǵamdyq jumysty tabysty ushtastyryp ult muraty jolyndaǵy eńbegińiz úshin alǵys bildiremin! Ult bolashaǵy jas urpaqtyń bilim alýy úshin jasaǵan abyroily eńbegińiz ben biik jetistikterińiz búgingi tańda oqýshylardyń igiligine berilip otyr. Úlgi bolatyn osyndai ónegeli isterińizdi urpaqtaryńyz jalǵastyra bersin degen izgi nietimdi bildire otyryp, sizge zor densaýlyq otbasyńyzǵa amandyq qyzmetińizge abyroi tileimin!», — delingen Alǵys hatta.
Nurlan Erǵaliulynyń aitýynsha, mektepte sapaly bilim alý úshin barlyq jaǵdai qarastyrylǵan. Mektepte sońǵy úlgide jabdyqtalǵan kabinetter, erekshe bilim alýshylarǵa arnalǵan inkliýzivti ortalyq, sheberhana, kitaphana, robototehnika, STEM jáne modifikatsiialy kabinetter, sport zaly, ashana, májilis zaldary balalar igiligine qyzmet etedi.
«Bolashaq jastarymyzdyń jahandaný kezeńinde sapaly bilim men sanaly rýhani tárbie berý mańyzdy. Endigi kezekte, oblysymyzdyń daryndy balalar sany búgingi jańa da jaily mektepte bilim alatyn oqýshylarmen tolyǵatynyna senimdimin», — dedi oblys ákiminiń birinshi orynbasary.
