Smaiylovtyń kabineti byltyr kúzde doǵarysqa ketýi kerek edi dedi depýtat Ermurat Bapi Dalanews.kz tilshisine.
Onyń pikirinshe qymbatshylyq pen kedeishilikke qarsy qarym qylyp, úkimettik baǵdarlama usyna almaǵan premer ben onyń kabineti biraz keshiktirilip aýysyp jatyr.
"Biraq prezident Toqaev taǵaiyndaityn endigi úkimet orystar aitpaqshy, "shilo na mylo" bolmaýy kerek. Úkimet basyna batyl, minezdi jáne úkimetti "bir shybyqpen aidaityn" premer kelýi tiis. Eldegi ekonomikalyq daǵdarystyq jaǵdai osyndai úkimetbasyn talap etedi.
Eger "sen timeseń, men timen - badyrań kóz" taǵy bireý keletin bolsa, prezidenttiń ekonomikalyq saiasaty osy turalaǵan qalpynan kóterile almaidy", - deidi Bapi.
Depýtattyń oiynsha, naqty jaǵdaida premerlik postqa Erbolat Dosaev pen Nurlan Noǵaevtyń ekeýiniń biri laiyq siiaqty.
"Iá, birinshisi doǵaldaý, dórekileý minezi de kórinip qalyp júr. Biraq birneshe ministrlik pen Ulttyq bankini basqarǵan tájiribesine teń keler menedjer az.
Al Nurlan Noǵaev mynaý teńselip turǵan zamanda qoǵammen batyl jumys istei alatyn ákim ekenin kórsetti, sharýaqor azamat", - dedi májilismen.
