جاڭا پرەمەر؟ توقايەۆتىڭ ساياساتىن تۇرالاتپايتىن ەكى ادام بار - دەپۋتات باپي

جاراس كەمەلجان 05 اقپ. 2024 20:21 18702


سمايىلوۆتىڭ كابينەتى بىلتىر كۇزدە دوعارىسقا كەتۋى كەرەك ەدى دەدى دەپۋتات ەرمۇرات باپي Dalanews.kz تىلشىسىنە.


ونىڭ پىكىرىنشە قىمباتشىلىق پەن كەدەيشىلىككە قارسى قارىم قىلىپ، ۇكىمەتتىك باعدارلاما ۇسىنا الماعان پرەمەر بەن ونىڭ كابينەتى ءبىراز كەشىكتىرىلىپ اۋىسىپ جاتىر.



"ءبىراق پرەزيدەنت توقايەۆ تاعايىندايتىن ەندىگى ۇكىمەت ورىستار ايتپاقشى، "شيلو نا مىلو" بولماۋى كەرەك. ۇكىمەت باسىنا باتىل، مىنەزدى جانە ۇكىمەتتى "ءبىر شىبىقپەن ايدايتىن" پرەمەر كەلۋى ءتيىس. ەلدەگى ەكونوميكالىق داعدارىستىق جاعداي وسىنداي ۇكىمەتباسىن تالاپ ەتەدى.


ەگەر "سەن تيمەسەڭ، مەن تيمەن - بادىراڭ كوز" تاعى بىرەۋ كەلەتىن بولسا، پرەزيدەنتتىڭ ەكونوميكالىق ساياساتى وسى تۇرالاعان قالپىنان كوتەرىلە المايدى"، - دەيدى باپي.



دەپۋتاتتىڭ ويىنشا، ناقتى جاعدايدا پرەمەرلىك پوستقا ەربولات دوسايەۆ پەن نۇرلان نوعايەۆتىڭ ەكەۋىنىڭ ءبىرى لايىق سياقتى.



"ءيا، ءبىرىنشىسى دوعالداۋ، دورەكىلەۋ مىنەزى دە كورىنىپ قالىپ ءجۇر. ءبىراق بىرنەشە مينيسترلىك پەن ۇلتتىق بانكىنى باسقارعان تاجىريبەسىنە تەڭ كەلەر مەنەدجەر از.


ال نۇرلان نوعايەۆ مىناۋ تەڭسەلىپ تۇرعان زاماندا قوعاممەن باتىل جۇمىس ىستەي الاتىن اكىم ەكەنىن كورسەتتى، شارۋاقور ازامات"، - دەدى ماجىلىسمەن.



ۇسىنىلعان
سوڭعى جاڭالىقتار