Memleket basshysy Qasym-Jomart Toqaev D.A.R. Metall AG basqarma tóraǵasy Kristian Artnerdi qabyldap, Qazaqstandaǵy metall óńdeý jobalaryn júzege asyrý perspektivalaryn talqylady, dep habarlaidy Dala News.
Kezdesýde Qazaqstannyń ónerkásip jáne ekologiia salalaryndaǵy basymdyqtaryna sai keletin zamanaýi nemis tehnologiialaryn igerý máselesine mán berildi.
Prezident Qazaqstan úshin metallýrgiia sektorynyń strategiialyq mańyzy joǵary ekenin atap ótti. Osy rette Qasym-Jomart Toqaev salanyń iri kásiporyndarynyń biri Qarmet kompaniiasynda júrgizilip jatqan rekonstrýktsiia jáne jańǵyrtý jumystarynyń barysyna toqtaldy.
Sonymen qatar taraptar Qazaqstanda metall óńdeý jobasyn birlesip iske asyrý múmkindigin qarastyrdy.
Kristian Artner nemis kompaniiasynyń Qazaqstandaǵy óndiristik jobalardy odan ári damytýǵa nietti ekenin jetkizdi.
D.A.R. Metall AG Alataý qalasynda turmystyq jáne ónerkásiptik qaldyqtardy qaita óńdeý jobalaryna, sondai-aq Qarmet kompaniiasymen birlesken jańa bastamalardy júzege asyrýǵa qyzyǵýshylyq tanytyp otyr.
