Bul týraly Májilis depýtaty Berik Ábdiǵali málim etti.
"Konstitýtsiialyq reforma jónindegi jumys toby Konstitýtsiialyq Keńeske jańa Konstitýtsiia jobasynan birinshi Prezidenttiń tarihi roli jónindegi bapty alyp tastaý jóninde usynys engizgen edi.
Konstitýtsiialyq Keńes bul ýájben kelisti.
Jańa Konstitýtsiianyń jobasynan birinshi Prezidenttiń tarihi róli jónindegi bap alynyp tastaldy.
Prezident Qasym-Jomart Toqaev halyqtyń talabyn eskerip otyr", – dedi Berik Ábdiǵali.
Aita ketelik buǵan deiin Qazaqstan Konstitýtsiiasyn ózgertý boiynsha jumys toby Ata zańǵa eldiń eks-prezidenti Nursultan Nazarbaevty "táýelsiz Qazaqstannyń negizin qalaýshy" degen statýspen engizýdi usynǵan. Bul týraly jumys tobynyń múshesi Ermek Ábdirasylov málimdegen bolatyn.
"Jumys toby bul statýsty Konstitýtsiiada kórsetýdi uiǵardy. Iaǵni, Qazaqstannyń birinshi prezidenti – táýelsiz Qazaqstannyń negizin qalaýshy. Osy statýs bekitiledi", – degen edi ol.
Bul usynys kópshilik tarapynan synǵa ushyrap, halyq Nazarbaevtyń aty Ata zańǵa enýine qarsy shyqqan.
– Nazarbaev – táýelsiz Qazaqstannyń negizin qalaýshy emes, Qazaqstan Sovet odaǵynyń ydyraýynan quryldy, – degen edi osy máselege orai pikir bildirgen aqyn Oljas Súleimenov.
