Kólik ministri qyzmetine jańadan taǵaiyndalǵan Nurlan Saýranbaev Úkimet otyrysynda ant berdi, dep habarlaidy Dalanews.kz.
"Halqym men Prezidentimniń aldynda saltanatty túrde ant etemin: bar kúsh-jigerim men bilimimdi Otanymnyń ekonomikalyq jáne rýhani damýyna arnaimyn, Konstitýtsiia men elimizdiń zańdaryn qatań saqtaimyn, barlyq is-áreketimde zańdylyq pen ádilettilik, azamattyq, ultaralyq jáne konfessiiaaralyq kelisim qaǵidattaryn basshylyqqa alamyn, Qazaqstan halqyna adal qyzmet etip, elimizdiń memlekettiligi men halyqaralyq bedelin nyǵaitýǵa úles qosamyn. Ant etemin!", – dedi Nurlan Saýranbaev.
Eske salaiyq, 30 maýsymda Nurlan Saýranbaev Qazaqstan Respýblikasynyń kólik ministri laýazymyna taǵaiyndaldy.
Nurlan Saýranbaev 1967 jyly Jambylda dúniege kelgen. S.M. Kirov atyndaǵy Qazaq memlekettik ýniversitetin, Munai ónerkásibin oqytý ortalyǵyn (Italiia) bitirgen. Mamandyǵy boiynsha ekonomist, munai ákimshilendirý magistri. Eńbek jolyn 1991 jyly jeke kommertsiialyq kompaniianyń basshysy bolyp bastaǵan.
