Jiynda aýdan ákimi Baqytbek Tanagózov «Aýyl – el besigi» jobasy aiasynda óńirde atqarylatyn jumystarmen tanystyrdy. Baǵdarlama aiasynda aýdandaǵy Báidibek ata aýylynda «Taǵzym» saiabaǵy salynyp, aýyl ishindegi birneshe avtomobil joldary qaita jóndeýden ótetini baiandaldy. Sondai-aq, aýdan ortalyǵy Shaianda Ortalyq saiabaq abattandyrylyp, jańa kitaphana boi kóteretin bolady.
Sonymen qatar, jiynda oblys ákimi aýyl turǵyndarynyń ótinishteri boiynsha jańa statsionarlyq ortalyqtyń qurylysy men Báidibek baba-Domalaq ana jolyn qaita jóndeýden ótkizý qajettigin tapsyrdy.
Sapar barysynda oblys basshysy Aqbastaý aýyldyq okrýgi aýmaǵyndaǵy Birikken Arab Ámirliginiń qus ósirý ortalyǵymen tanysty. Qurylys jumystaryn bastaǵaly beri aýdanǵa 68 mlrd. teńge investitsiia quiylǵan. Onda qazirgi tańda 400-ge jýyq adam jumys isteidi. Halyqaralyq qordyń maqsaty – dýadaq qusyn qorǵaý jáne olardyń sanyn kóbeitý. Sońǵy eki jylda 800-den astam dýadaq erkindikke jiberilgen.
Munan soń Ómirzaq Estaiuly «Berdibai» sharýa qojalyǵyndaǵy mal bordaqylaý alańynyna aialdady. 2005 jyly qurylǵan sharýashylyq búginde asyltuqymdy mal basyn arttyrýmen ainalysyp otyr. Oblys ákimi qojalyq iesine mal basyn kóbeitýdi tapsyrsa, al, aýdan ákimdigine qojalyqqa qajetti sý, elektr máselesin sheshýdi júktedi.
Uly Jeńistiń 74 jyldyǵynyń merekesine orai, oblys ákimi Shaian aýylynyń turǵyny «Uly Otan» soǵys ardageri, oblystyń «Qurmetti azamaty» Beisenbek Igisinulynyń shańyraǵyna arnaiy baryp, merekemen quttyqtady. Ol 1942 jyly qyrkúiek aiynda Keńes áskeri qataryna shaqyrylyp, Kalinin, Baltyq teńizi, Kenisberg baǵyttaryndaǵy maidandarǵa qatysqan. Soǵysta kórsetken erlikteri joǵary baǵalanyp orden, medaldarmen marapattalǵan. Ardager ul-qyzdarynan taraǵan 14 nemere men 7 shóbere tárbielep otyr.
Sondai-aq, oblys ákimi Shaian aýylyndaǵy jabyq tennis korty men jabyq júzý keshenine at basyn buryp, ondaǵy ashyq sport alańshalarymen tanysty. Jabyq tennis kortynda sportshylarǵa barlyq jaǵdai jasalǵan. Basseinde bir aýysymda 32 adam júzý sportymen mashyqtana alady. Sonymen qatar, sporttyń voleibol, basketbol, fýtbol, tennis túrleri men sport zaldaryna arnalǵan ashyq alańshalar bar. Óńir basshysy salaýatty ómir saltyn ustanýda sporttyń róli zor ekenin aityp, óńirlerde sporttyq keshenderdi kóbeitýdi tapsyrdy.
Túrkistan oblysy ákiminiń baspasóz qyzmeti
