جيىندا اۋدان ەكٸمٸ باقىتبەك تاناگٶزوۆ «اۋىل – ەل بەسٸگٸ» جوباسى اياسىندا ٶڭٸردە اتقارىلاتىن جۇمىستارمەن تانىستىردى. باعدارلاما اياسىندا اۋدانداعى بەيدٸبەك اتا اۋىلىندا «تاعزىم» ساياباعى سالىنىپ, اۋىل ٸشٸندەگٸ بٸرنەشە اۆتوموبيل جولدارى قايتا جٶندەۋدەن ٶتەتٸنٸ باياندالدى. سونداي-اق, اۋدان ورتالىعى شاياندا ورتالىق ساياباق اباتتاندىرىلىپ, جاڭا كٸتاپحانا بوي كٶتەرەتٸن بولادى.
سونىمەن قاتار, جيىندا وبلىس ەكٸمٸ اۋىل تۇرعىندارىنىڭ ٶتٸنٸشتەرٸ بويىنشا جاڭا ستاتسيونارلىق ورتالىقتىڭ قۇرىلىسى مەن بەيدٸبەك بابا-دومالاق انا جولىن قايتا جٶندەۋدەن ٶتكٸزۋ قاجەتتٸگٸن تاپسىردى.
ساپار بارىسىندا وبلىس باسشىسى اقباستاۋ اۋىلدىق وكرۋگٸ اۋماعىنداعى بٸرٸككەن اراب ەمٸرلٸگٸنٸڭ قۇس ٶسٸرۋ ورتالىعىمەن تانىستى. قۇرىلىس جۇمىستارىن باستاعالى بەرٸ اۋدانعا 68 ملرد. تەڭگە ينۆەستيتسييا قۇيىلعان. وندا قازٸرگٸ تاڭدا 400-گە جۋىق ادام جۇمىس ٸستەيدٸ. حالىقارالىق قوردىڭ ماقساتى – دۋاداق قۇسىن قورعاۋ جەنە ولاردىڭ سانىن كٶبەيتۋ. سوڭعى ەكٸ جىلدا 800-دەن استام دۋاداق ەركٸندٸككە جٸبەرٸلگەن.
مۇنان سوڭ ٶمٸرزاق ەستايۇلى «بەردٸباي» شارۋا قوجالىعىنداعى مال بورداقىلاۋ الاڭىنىنا ايالدادى. 2005 جىلى قۇرىلعان شارۋاشىلىق بٷگٸندە اسىلتۇقىمدى مال باسىن ارتتىرۋمەن اينالىسىپ وتىر. وبلىس ەكٸمٸ قوجالىق يەسٸنە مال باسىن كٶبەيتۋدٸ تاپسىرسا, ال, اۋدان ەكٸمدٸگٸنە قوجالىققا قاجەتتٸ سۋ, ەلەكتر مەسەلەسٸن شەشۋدٸ جٷكتەدٸ.
ۇلى جەڭٸستٸڭ 74 جىلدىعىنىڭ مەرەكەسٸنە وراي, وبلىس ەكٸمٸ شايان اۋىلىنىڭ تۇرعىنى «ۇلى وتان» سوعىس ارداگەرٸ, وبلىستىڭ «قۇرمەتتٸ ازاماتى» بەيسەنبەك يگٸسٸنۇلىنىڭ شاڭىراعىنا ارنايى بارىپ, مەرەكەمەن قۇتتىقتادى. ول 1942 جىلى قىركٷيەك ايىندا كەڭەس ەسكەرٸ قاتارىنا شاقىرىلىپ, كالينين, بالتىق تەڭٸزٸ, كەنيسبەرگ باعىتتارىنداعى مايداندارعا قاتىسقان. سوعىستا كٶرسەتكەن ەرلٸكتەرٸ جوعارى باعالانىپ وردەن, مەدالدارمەن ماراپاتتالعان. ارداگەر ۇل-قىزدارىنان تاراعان 14 نەمەرە مەن 7 شٶبەرە تەربيەلەپ وتىر.
سونداي-اق, وبلىس ەكٸمٸ شايان اۋىلىنداعى جابىق تەننيس كورتى مەن جابىق جٷزۋ كەشەنٸنە ات باسىن بۇرىپ, ونداعى اشىق سپورت الاڭشالارىمەن تانىستى. جابىق تەننيس كورتىندا سپورتشىلارعا بارلىق جاعداي جاسالعان. باسسەيندە بٸر اۋىسىمدا 32 ادام جٷزۋ سپورتىمەن ماشىقتانا الادى. سونىمەن قاتار, سپورتتىڭ ۆولەيبول, باسكەتبول, فۋتبول, تەننيس تٷرلەرٸ مەن سپورت زالدارىنا ارنالعان اشىق الاڭشالار بار. ٶڭٸر باسشىسى سالاۋاتتى ٶمٸر سالتىن ۇستانۋدا سپورتتىڭ رٶلٸ زور ەكەنٸن ايتىپ, ٶڭٸرلەردە سپورتتىق كەشەندەردٸ كٶبەيتۋدٸ تاپسىردى.
تٷركٸستان وبلىسى ەكٸمٸنٸڭ باسپاسٶز قىزمەتٸ
